Navale Bridge Accident: नवले पुलाजवळ पुन्हा थरार! ट्रकचे ब्रेक फेल अन्

Bhumkar Bridge Truck Collision: घटनेची माहिती मिळताच स्थानिक पोलीस आणि महामार्ग पोलिसांनी घटनास्थळी धाव घेतली. क्रेनच्या साहाय्याने अपघातग्रस्त ट्रक महामार्गावरून एका बाजूला हटवण्यात आले. त्यानंतर काही वेळातच या मार्गावरील वाहतूक सुरळीत करण्यात पोलिसांना यश आले.

• पुण्यात नवले पुलाजवळील भूमकर पुलावर मध्यरात्री ३ ते ४ ट्रकांचा भीषण साखळी अपघात.
• एका मालवाहू ट्रकचे ब्रेक फेल झाल्याने पुढील वाहनांना दिली जोरदार धडक.
• अपघातात एका व्यक्तीचा जागीच मृत्यू, तर ३ ते ४ जण गंभीर जखमी.

Navale Bridge Accident: पुण्यातील नवले पूल परिसरातील भूमकर पुलावर आज (19 सप्टेंबर) मध्यरात्रीच्या सुमारास मोठा अपघात झाल्याची माहिती समोर आली आहे. मिळालेल्या माहितीनुसार, एका मालवाहू ट्रकचे ब्रेक फेल झाल्याने तो भरधाव वेगाने समोरच्या ट्रकला जाऊन धडकला. ही धडक होताच मागून येणारे आणखी तीन ट्रकही एकमेकांवर आदळले.ट्रकच्या धडकांची तीव्रता एवढी होती की, एका ट्रकच्या पुढील भागाचा अक्षरशः चुराडा झाला.

या अपघातात एका व्यक्तीचा जागीच मृत्यू झाला, तर तीन ते चार जण गंभीर जखमी झाले आहेत. गंभीर जखमींना तातडीने उपचारासाठी जवळच्या रुग्णालयात दाखल करण्यात आले आहे.
ट्रक एकमेकांना धडकल्याने एका ट्रकचा पुढचा भाग पूर्णपणे चेपला गेला. यामुळे एक व्यक्ती ट्रकच्या कॅबिनमध्ये अडकून पडली. स्थानिकांनी तातडीने बचावकार्य सुरू करत त त्याला बाहेर काढण्याचे प्रयत्न सुरू केले. अपघातानंतर घटनास्थळी नागरिकांनी पुढे येत जखमींना मदत केली.

महामार्गावर वाहनांच्या लांबच लांब रांगा

अपघातामुळे महामार्गावरील वाहतूक काही काळ विस्कळीत झाली होती, पण पोलिस आणि महामार्ग पोलिसांनी घठनास्थळी दाखल होत, अपघात ग्रस्त वाहने बाजूला केली. त्यानंतर काही वेळात वाहतूकदेखील सुरळीत करण्यात आली. नवले पूल आणि भूमकर पूल परिसरात वारंवार होणाऱ्या अपघातांच्या पार्श्वभूमीवर या घटनेमुळे पुन्हा एकदा वाहनचालकांच्या सुरक्षेचा प्रश्न ऐरणीवर आला आहे.