Diwali 2026
केंद्रीय प्रदूषण नियंत्रण मंडळाच्या (सीपीसीबी) ‘समीर’ या मोबाईल ॲपवरील आकडेवारीनुसार, ५ ते ७ नोव्हेंबरदरम्यान पुण्यातील हवेचा गुणवत्ता निर्देशांक १३० ते १५७ या दरम्यान होता. त्यामुळे हवेची गुणवत्ता समाधानकारक श्रेणीत होती. मात्र, ८ नोव्हेंबरला लक्ष्मीपूजनाच्या दिवशी सायंकाळनंतर प्रदूषणात वाढ होण्यास सुरुवात झाली. रात्री नऊ वाजता शहराचा एक्यूआय २६५ वर पोहोचला. व्यापारी पेठा, बाजारपेठा आणि वर्दळीच्या परिसरात झालेल्या फटाक्यांच्या आतषबाजीचा परिणाम हवेच्या गुणवत्तेवर झाल्याचे आकडेवारीवरून स्पष्ट होते.
हवेतील पीएम २.५ आणि पीएम १० या सूक्ष्म धूलिकणांचे प्रमाण वाढल्याने प्रदूषणाची पातळी उंचावते. फटाके फोडल्यानंतर निर्माण होणारा धूर, राख आणि सूक्ष्म कण हवेत मिसळतात. विशेषतः पीएम २.५ हे अतिसूक्ष्म कण श्वसनमार्गातून फुफ्फुसांपर्यंत पोहोचू शकतात. त्यामुळे लहान मुले, ज्येष्ठ नागरिक आणि श्वसनविकार असलेल्या व्यक्तींना श्वास घेण्यास त्रास होण्याची शक्यता असते.
यंदा दिवाळीच्या काळात पावसाने दडी मारल्याने हवेत साचलेले प्रदूषक कण वाहून जाण्यास अनुकूल परिस्थिती निर्माण झाली नाही. त्यातच लक्ष्मीपूजनाच्या रात्री मोठ्या प्रमाणात फटाके फोडण्यात आल्याने प्रदूषणात आणखी भर पडली. गेल्या वर्षीच्या तुलनेत यंदा फटाक्यांची आतषबाजी काहीशी कमी झाल्याचे चित्र असले, तरी हवेच्या गुणवत्तेवर त्याचा परिणाम झाला आहे.
धनकवडी : २८७
हडपसर : २६७
कात्रज डेअरी : २५१
म्हाडा कॉलनी : २९६
पंचवटी, पाषाण : २६७
शिवाजीनगर : ३१४
सावित्रीबाई फुले पुणे विद्यापीठ : २१९
तारीख -एक्यूआय
५ नोव्हेंबर – १३०
६ नोव्हेंबर – १३४
७ नोव्हेंबर – १५७
८ नोव्हेंबर – २६५
Mumbai News: वायुप्रदूषणावरून सदस्य प्रचंड आक्रमक! नेमलेले भरारी पथक कुचकामी ठरत असल्याचा आरोप
हवेच्या गुणवत्ता निर्देशांकाची श्रेणी
० ते १०० : उत्तम
१०० ते २०० : समाधानकारक
२०० ते ३०० : वाईट
३०० ते ४०० : अत्यंत वाईट
४०० ते ५०० : गंभीर
Ans: या तीन दिवसांमध्ये पुण्यातील हवेचा गुणवत्ता निर्देशांक १३० ते १५७ या दरम्यान होता.
Ans: सर्वात कमी एक्यूआयची नोंद पुणे विद्यापीठ परिसरात झाली.
.png "Videos"){kind=small}
