सुहासिनी माठेकर (वय 89 वर्ष) असं या वृद्ध महिलेचे नाव आहे. तब्येत चिंताजनक असल्यामुळे हा महिलेला पंडित भीमसेन जोशी रुग्णालयात दाखल करण्यात आले होते. काल रात्रीच्या सुमारास ICU मधल्या एका उंदिराने या महिलेच्या हाताला कुडतडण्यास सुरुवात केली. सकाळी जेव्हा नातेवाईक भेटण्यासाठी आले तेव्हा हा धक्कादायक प्रकार उघडकीस आला.
अक्षरश: या उंदराने कुडतडल्यामुळे य़ा महिलेच्या हाताला जखम देखील झाली. हाताला नेमकं झालं तरी काय म्हणून जेव्हा पाहायला नातेवाईक गेले तेव्हा उंदिर पळून गेला. अतिदक्षता विभागात 24 तास डॉक्टर आणि नर्स रुग्णांच्या सेवेसाठी असतात. मात्र तरी देखील रात्रभर एका वृद्ध महिलेला उंदीर कुरतडत होता ही एवढी गंभीर बाब कर्मचाऱ्यांच्या साधी लक्षात देखील आली नाही. याबद्दल नातेवाईकांनी हॉस्पीटलच्या प्रशासनावर तीव्र संताप व्यक्त केला आहे.
“जर आयसीयूमध्ये रुग्ण सुरक्षित नसतील, तर मग उपचार घ्यायचे कुठे?” असा संतप्त सवाल विचारला जात आहे. या घटनेने रुग्णालयातील अस्वच्छता आणि प्रशासनाच्या निष्काळजीपणाचे पितळ उघडे पडले आहे. स्थानिक नागरिकांनी आणि रुग्णांच्या नातेवाईकांनी या प्रकरणाची सखोल चौकशी करून दोषींवर कठोर कारवाई करण्याची मागणी केली आहे..पंडित भीमसेन जोशी रुग्णालयातील हा धक्कादायक प्रकार उघडकीस झाल्याने आरोग्य यंत्रणेच्या सुरक्षेवर प्रश्नचिन्ह निर्माण झाले आहेत.
.png "Videos"){kind=small}
