खारेपाटण येथील पूरातील नुकसानीची खासदार नारायण राणे यांनी केली पाहणी

मुसळधार पावसामुळे सिंधुदुर्ग जिल्ह्यात सर्वत्र पूरस्थिती निर्माण झाली होती. यामध्ये प्रामुख्याने कणकवली तालुक्यातील खारेपाटण भागात मोठ्या प्रमाणात पूरस्थिती निर्माण झाली होती. रत्नागिरी - सिंधुदुर्गचे खासदार नारायण राणे यांनी ९ जुलै रोजी खारेपाटण येथे भेट देऊन नुकसानग्रस्त भागाची पाहणी केली.

कणकवली : खारेपाटण बाजारपेठेत पूरस्थिती निर्माण होऊन झालेल्या नुकसानीची भाजप नेते, केंद्रीय माजी मंत्री खासदार नारायण राणे यांनी ९ जुलै रोजी प्रत्यक्ष पाहणी केली. ज्या कुटुंबांचे नुकसान झाले त्यांच्याशी त्यांनी थेट संवाद साधला. अधिकाऱ्यांना नुकसान भरपाईचे पंचनामे तातडीने करून शासनाकडे त्याचा अहवाल पाठवा असे आदेश दिले. पुन्हा पूरस्थिती निर्माण होऊ नये म्हणून शुक नदी पात्रातील गाळ काढण्याचे काम उन्हाळ्यात युद्ध पातळीवर केले जाईल असे आश्वासन यावेळी खासदार नारायण राणे यांनी दिले.

मुसळधार पावसामुळे सिंधुदुर्ग जिल्ह्यात सर्वत्र पूरस्थिती निर्माण झाली होती. यामध्ये प्रामुख्याने कणकवली तालुक्यातील खारेपाटण भागात मोठ्या प्रमाणात पूरस्थिती निर्माण झाली होती. येथील बाजारपेठेत मेडिकल, भूषारी दुकाने, हॉटेल्स, कापड दुकाने, बसस्थानक, मोबाईल शॉप, हार्डवेअर तसेच एका मंदिरात पाणी शिरल्याने मोठे नुकसान झाले होते. याच पार्श्वभूमीवर माजी केंद्रीय मंत्री तथा रत्नागिरी – सिंधुदुर्गचे खासदार नारायण राणे यांनी ९ जुलै रोजी खारेपाटण येथे भेट देऊन नुकसानग्रस्त भागाची पाहणी केली. तसेच प्रशासकीय अधिकाऱ्यांकडून देखील उद्भवलेल्या आपत्तीची माहिती घेतली. बाजारपेठेतील दुकानदारांशी खासदार नारायण राणे यांनी चर्चा करुन तातडीने पंचनामे करून नुकसान भरपाई मिळवून देण्यासाठी प्रशासनाला सूचना केल्या आहेत.

यावेळी खासदार नारायण राणे यांनी माध्यमांशी संवाद साधला. यावेळी ते म्हणाले की, प्रशासनाला नुकसान भरपाईच्या सूचना दिल्या आहेत. याबाबत पंचनामे करून नुकसान भरपाई मिळवून देण्यासाठी राज्यसरकारकडे पाठपुरावा करणार असल्याचे खासदार नारायण राणे यांनी सांगितले. तसेच भविष्यात पूरस्थिती निर्माण होऊ नये यासाठी नियोजन करून येणाऱ्या वर्षात मे महिन्याच्या पूर्वी शुक नदीचा गाळ काढला जाईल. तसेच कोणत्याही सूचना न देता सोडण्यात येणारं नाही. धरणाच पाणी सूचना केल्याशिवाय सोडू नये यासाठी संबंधितांना सूचना केल्या जातील. तसेच बंधाऱ्यासाठी प्रयत्न करून येणाऱ्या वर्षात ते पूर्ण करून घेऊ असे आश्वासन खारेपाटण वासीयांना खासदार नारायण राणे यांनी दिले.

यावेळी प्रांताधिकारी जगदीश कातकर, तहसीलदार दीक्षांत देशपांडे, माजी जिल्हा परिषद सदस्य बाळा जठार, सूर्यकांत भालेकर,खारेपाटण सरपंच प्राची इस्वलकर, उपसरपंच महेंद्र गुरव व ग्रामपंचायत सदस्य, धनश्री ढेकणे, मनाली होनाळे, किरण करले, क्षितिजा धुमाळे, दक्षता सुतार, अमिषा गुरव, जयदीप देसाई,व्यापारी असोसिएशन अध्यक्ष प्राजल कुबल, सूर्यकांत भालेकर,सुधीर कुबल, राजू वरूनकर, शेखर शिंदे, शेखर कांबळी, उज्वला चिके, अविनाश गाठे, पिंटू सर्पे आदी भाजपा पदाधिकारी उपस्थित होते.