क्रिकेट मॅच बघत बस चालवणाऱ्या चालकाला एसटी महामंडळाने केले बडतर्फ, परिवहन मंत्री प्रताप सरनाईक यांची माहिती

नुकताच एक व्हिडिओ व्हायरल झाला होता. ज्यात, एसटी चालक चक्क मॅच बघत बस चालवत आहे. आता या चालकावर कारवाई झाली असून त्याला कामावरून बडतर्फ करण्यात आला आहे.

काही दिवसांपूर्वी एक व्हिडिओ व्हायरल झाला होता, ज्यात एक एसटी चालक मॅच बघत बस चालवत होता. हा व्हिडिओ सोशल मीडियावर मोठ्या प्रमाणात पसरल्यानंतर, अनेकांनी प्रवाशांच्या सुरक्षिततेसाठी चिंता व्यक्त केली होती. या घटनेची गंभीरता लक्षात घेत राज्याचे परिवहन मंत्री प्रताप सरनाईक यांनी या चालकावर कारवाई केली असल्याची माहिती दिली.

परिवहन मंत्री प्रताप सरनाईक यांच्या निर्देशानुसार बस चालवत मोबाईलवर क्रिकेट मॅच बघणाऱ्या खाजगी चालकाला एसटी प्रशासनाने बडतर्फ केले असून संबंधित खाजगी कंपनीला ₹ ५०००/- इतका दंड ठोठावला आहे.

वळसे पाटलांच्या भीमाशंकर साखर कारखान्याचा डंका वाजला; देशातील वसंतदादा पाटील सर्वोत्कृष्ट कारखान्याचा पुरस्कार जाहीर

21 मार्च रोजी सायंकाळी 7 वाजता दादर येथून स्वारगेट (पुणे) साठी निघालेल्या खाजगी ई-शिवनेरी बसमधील चालक रात्री लोणावळा जवळ बस चालवत क्रिकेट मॅच पाहत असलेले चित्रीकरण संबंधित बसमधून प्रवास करणाऱ्या प्रवाशांनी परिवहन मंत्री प्रताप सरनाईक यांना पाठवले. याबाबत मंत्री सरनाईक यांनी तातडीने एसटीच्या वरिष्ठ अधिकाऱ्यांना नियमानुसार कठोर कारवाई करण्याचे निर्देश दिले. त्यानुसार एसटीच्या स्थानिक अधिकाऱ्यांनी संबंधित खाजगी संस्थेच्या चालकास प्रवाशांचा जीव धोक्यात घालून बेशिस्त वाहनं चालवल्या प्रकरणी बडतर्फ केले असून संबंधित खाजगी संस्थेला ५०००/- इतका दंड ठोठावला आहे.

Devendra Fadnavis News: वाघांच्या हल्ल्यामुळे होणारी जीवितहानी टाळण्यासाठी उपाययोजना; फडणवीसांचे पालकमंत्र्यांना निर्देश

यावेळी बोलताना मंत्री सरनाईक म्हणाले की ई-शिवनेरी ही एसटीची मुंबई -पुणे मार्गावर धावणारी प्रतिष्ठित बस सेवा आहे. या बसमधून अनेक सन्माननीय व्यक्ती प्रवास करीत असतात. ” अपघातविरहित सेवा ” हा या बस सेवेचा नावलौकिक आहे. त्यामुळे अशा प्रकारे बेशिस्त वाहन चालवून प्रवाशांचा जीव धोक्यात घालणाऱ्या चालकांच्यावर कठोर कारवाई करणे गरजेचे आहे. त्यामुळे प्रवाशांचा एसटीच्या या प्रतिष्ठित सेवेबद्दल विश्वास दृढ होत जाईल! तसेच भविष्यात एसटीकडे असलेल्या खाजगी बसच्या चालकांना संबंधित संस्थेकडून वेळोवेळी शिस्तबद्ध वाहन चालवण्याचे प्रशिक्षण दिले जाण्याची गरज त्यांनी प्रतिपादित केली.

खाजगी अथवा प्रवासी वाहतूक करणाऱ्या रिक्षा, टॅक्सीचे चालक देखील कानात हेडफोन घालून गाडी चालवत मोबाईलवर मॅच अथवा चित्रपट पाहत असल्याच्या तक्रारी प्रवासी वर्गाकडून येत आहेत. या संदर्भात लवकरच परिवहन विभागाकडून नवीन नियमावली निश्चित करून अशा चालकांच्यावर निर्बंध आणले जातील.” असे देखील प्रताप सरनाईक यांनी सांगितले.