ईईई… उंदीर, झुरळं, माश्या; 122 वर्षे जुन्या ऐतिहासिक कॅफेवर FDA ची धाड; कोट्यवधी रुपयांचा भेसळयुक्त साठा जप्त

FDA Action On 122 Year Old Cafe : FDA ने महाराष्ट्रातील एका १२२ वर्षे जुन्या आणि अत्यंत प्रसिद्ध कॅफेवर मोठी कारवाई करत त्यांचा खाद्य परवाना निलंबित केला आहे. एफडीएच्या छाप्यादरम्यान ग्राहकांच्या आरोग्याशी खेळणारा कोट्यवधी रुपयांचा भेसळयुक्त आणि निकृष्ट दर्जाचा माल जप्त करण्यात आला आहे.

• ईईई… उंदीर, झुरळं, माश्या
• 122 वर्षे जुन्या ऐतिहासिक कॅफेवर FDA ची धाड
• कोट्यवधी रुपयांचा साठा जप्त

FDA Action On 122 Year Old Cafe : महाराष्ट्रातच नाही तर संपूर्ण भारतात सध्या FDA च्या कारवाया सुरुच आहेत. नुकतंच मुंबईतील सुप्रसिद्ध असलेलं जवळपास 122 वर्षे जुनं असलेलं क्यानी अँड कंपनी या कॅफेवर FDA ने धाड टाकली. या कारवाईत धक्कादायक बातमी समोर आला. 122 वर्षापासून सेवेत असलेला हा लोकप्रिय कॅफेमध्ये भयानक आणि किळसवाण चित्र दिसल्याचं समोर येत आहे. महाराष्ट्र अन्न व औषध प्रशासनाने म्हणजेच FDA ने या कारवाईत कॅफेचा परवाना देखील निलंबित केला आहे. नेमकं काय चित्र समोर आलं? ( FDA Action On 122 Year Old Cafe ) 

Mumbai News: पिंडदानामुळे पूर्वजांना मिळेल मुक्ती! पितृ पंधरवड्यात १६ दिवस करणार पूर्वजांचे स्मरण; अनेक ठिकाणी आयोजन

एफडीएच्या पथकाने कॅफेची अचानक तपासणी केली. तपासणीदरम्यान, अधिकाऱ्यांना अन्न तयार करण्याच्या आणि साठवणुकीच्या ठिकाणी उंदराची विष्ठा, जिवंत माश्या आणि मेलेली झुरळे आढळून आली. परिसरात मांजरेही आढळली. एका रेफ्रिजरेटरमध्ये तर थेट रक्त आढळलं. त्यामुळे या कॅफेच्या स्वच्छतेवर मोठं प्रश्नचिन्ह निर्माण झालं आहे.

उघड्या सांडपाण्याच्या मॅनहोलजवळ अन्न

या सगळ्या किळसवाण्या गोष्टीच नाही तर तपासणीदरम्यान आणखी धक्कादायक प्रकार समोर आला. एका उघड्या सांडपाण्याच्या मॅनहोल जवळच अन्न तयार होत असल्याचं आढळून आलं. काही खाद्यपदार्थ थेट जमिनीवर ठेवलेले असल्याचंही निदर्शनास आलं. तर कच्चे पीठ वर्तमानपत्राने झाकलेल्या अवस्थेत होतं. अधिकाऱ्यांना कच्चे आणि तयार खाद्यपदार्थ वेगळे ठेवण्यातही बऱ्याच त्रुटी दिसून आल्या. FDA च्या मते, या परिस्थितीमुळे अन्न दूषित होण्याचा धोका लक्षणीयरीत्या वाढतो आणि ग्राहकांच्या आरोग्यावर परिणाम होतो, आणि म्हणूनच, विभागाने याला अन्न सुरक्षा आणि स्वच्छतेची गंभीर समस्या मानले आहे.

परवाना तात्काळ निलंबित

तपासणीनंतर, FDA ने Kyani & Co. Cafe चा FSSAI चा परवाना निलंबित केला आहे. या कारवाईचा एक भाग म्हणून, कॅफेला खाद्यपदार्थांची खरेदी, साठवणूक, विक्री आणि वितरण थांबवण्याचे निर्देश देण्यात आले आहेत. याचा अर्थ असा की, जोपर्यंत आवश्यक त्रुटी दूर केल्या जात नाहीत, तोपर्यंत कॅफेच्या व्यवसायावर परिणाम होणार आहे.

महाराष्ट्रात विशेष मोहीम सुरू

क्यानी कॅफेवरील ही कारवाई महाराष्ट्र FDA च्या राज्यव्यापी अन्न सुरक्षा मोहिमेचा एक भाग आहे, जी २३ ते २७ सप्टेंबर दरम्यान राबविण्यात आली. या मोहिमेदरम्यान, अनेक खाद्य आस्थापनांची तपासणी करण्यात आली. अहवालानुसार, ३० आस्थापनांचे परवाने किंवा नोंदणी प्रमाणपत्रे निलंबित करण्यात आली आणि मोठ्या प्रमाणात खाद्यपदार्थ जप्त करण्यात आले. १९०४ मध्ये सुरू झालेले Kyani & Co. Cafe हे मुंबईतील सर्वात जुन्या इराणी कॅफेपैकी एक आहे. एवढा मोठा इतिहास असलेल्या या कॅफेवर एफडीएने केलेल्या कारवाईमुळे त्याच्या स्वच्छतेबद्दल प्रश्न निर्माण झाले आहेत.

Mumbai News : मुंबईतील 14 फुटांवरील झोपड्यांवर कारवाईचा मुद्दा तापला; ठाकरे गटाचा विरोध, भाजपचा पलटवार