निवृत्त कर्मचाऱ्यांना मोठा दिलासा! शेवटच्या वर्षातील वेतनवाढ नाकारणे चुकीचे; थकबाकी देण्याचे आदेश

निवृत्त कर्मचाऱ्यांसाठी उच्च न्यायालयाकडून महत्त्वाचा दिलासा देणारा निर्णय समोर आला आहे. निवृत्तीपूर्वीच्या सेवाकाळाशी संबंधित वेतनवाढीच्या प्रकरणात न्यायालयाने महत्त्वाचे निर्देश दिले आहेत.

निवृत्त कर्मचाऱ्यांना शेवटच्या वर्षातील वेतनवाढ नाकारणे चुकीचे; थकबाकी देण्याचे आदेश

Follow Us:

Follow Us:

• निवृत्तीच्या काळातील वेतनवाढीबाबत न्यायालयाने महत्त्वाचे निरीक्षण नोंदवले.
• संबंधित कर्मचाऱ्यांच्या पेन्शनबाबतही प्रशासनाला निर्देश देण्यात आले.
• निर्णयामुळे अनेक निवृत्त कर्मचारी आणि अधिकाऱ्यांना दिलासा मिळण्याची शक्यता.

MBBS चे शिक्षण झाले आता महाग; शुल्कात 17 लाखांपर्यंत वाढ, विद्यार्थ्यांसह पालकांनाही बसणार फटका

न्यायालयांमध्ये दाखल केलेल्या याचिकेवर न्यायमूर्ती वेणेगावकर यांनी त्यांच्या खंडपीठांसमोर सुनावणी घेतली. याचिकाकर्त्यांच्या वतीने विधीतज्ज्ञाकडून युक्तिवाद करताना खंडपीठाला सांगण्यात आले की, सेवेत कायम झालेल्या कर्मचाऱ्यांची वेतन आयोगानुसार वेतनवाढ १ जुलै आणि १ जानेवारी देय्य होती. मात्र ते कर्मचारी ३० जून आणि ३१ डिसेंबरला निवृत्त झाल्यामुळे संबंधित प्रशासनाने त्यांनाही वेतनवाढ देण्यास जाणून बुजून टाळाटाळ केल्याची बाब खरी असून, त्या निर्देशानुसार त्यांनाही वेतनवाढ मिळायला हवी होती. याचिकाकर्त्यांच्या वकिलांनी प्रशासनातर्फे बाजू मांडताना या मागणीला विरोध केला असता याचिकाकर्त्यांच्या वकिलांकडून वेतन निश्चितीचे शासन निर्णय शासन परिपत्रक दिलेले निर्देश न्यायमूर्ती यांच्याकडे दिले.

न्यायालयाने कोणकोणती निरीक्षणे नोंदवली

• वार्षिक वेतनवाढ ही आगाऊ दिली जात नसून ती वर्षभर केलेल्या कामाचा मोबदला असते.
• महाराष्ट्र नागरी सेवा सुधारित वेतन नियम २००९ मधील नियम १० नुसार ज्या कर्मचाऱ्यांनी संबंधित वर्षात किमान ६ महिने सेवा पूर्ण केली आहे ते वेतनवाढीस पात्र ठरतात.
• याचिकाकर्त्यांनी निवृत्तीपूर्वी ६ महिने किंवा त्यापेक्षा जास्त काळ सेवा दिली आहे, त्यांच्या शेवटच्या पगारात ही वार्षिक वेतनवाढ गृहीत धरून पेन्शनची पुन्हा गणना करण्यात यावी, फेर गणनेनंतर निवृत्ती वेतनातील फरकाची रक्कम याचिका कर्त्यांना ९० दिवसांत अदा करावी.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)

Web Title: High court relief to retired employees annual salary increment pension arrears maharashtra

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com