गुरुवार, 12 नोव्हेंबर 2026
mubaicha raja : बाप्पाच्या ऐतिहासिक मिरवणूकीतच आलं विघ्न, म्हणून 'मुंबईचा राजा'चं शुक्रवारी विसर्जन नाही? सौजन्य : चॅटजीपीटी
यंदा मुंबईचा राजाचा 99 व्या वर्षाचा ऐतिहासिक विसर्जन सोहळा पार पडणार आहे, मात्र मिरवणुकीबाबत आणि विसर्जनासंदर्भातील सस्पेन्स अद्याप कायम आहे. यावर्षी मुंबईचा राजाचे विसर्जन गिरगाव चौपाटी येथे अत्याधुनिक बार्ज जहाजावरून थेट खोल समुद्रात करण्यात येणार आहे. मात्र, मुंबई पोलिसांकडून याला अद्याप परवानगी मिळालेली नाही.
त्यामुळे, मंडळाने शुक्रवारी बाप्पांचे विसर्जन न करण्याचा निर्णय घेतला आहे. विसर्जनासाठी महाराष्ट्र मेरीटाईमची परवानगी मंडळाने आधीच घेतली होती. मात्र, पोलिसांची परवानगी मिळालेली नव्हती. त्यामुळे आता अचानक विसर्जन कसं करायचं? असा प्रश्न कार्यकर्त्यांसमोर असून मंडळाने नाराजी व्यक्त केली आहे.
महत्त्वाचे म्हणजे, मंडळाने महापालिकेची परवानगी अद्याप घेतलेली नाही. त्यामुळे त्यांना पोलिसांची परवानगी मिळाली नाही असे सुत्रांचे म्हणणे आहे. पोलिसांच्या परवानगीअभावी विसर्जनाबाबतची परिस्थिती अद्याप स्पष्ट झालेली नसून पोलिसांच्या परवानगी शिवाय शुक्रवारी विसर्जन मिरवणूक न काढण्याचा निर्णय मंडळाने घेतल्याचे समझते.
Mumbai Metro 3: अनंत चतुर्दशीला मुंबईकरांचा प्रवास होणार सोपा; Aqua Line ची सेवा रात्रभर राहणार सुरू
गणेशगल्लीतील ‘मुंबईच्या राजा’चे यंदा 99 वे वर्ष आहे. शुक्रवार, 25 सप्टेंबर 2026 रोजी सकाळी 7 वाजता शेवटची महाआरती करून विसर्जन मिरवणुकीला सुरुवात होईल. ही मिरवणूक लालबाग ते गिरगाव चौपाटी या आपल्या पारंपारिक मार्गाने मार्गक्रमण करण्याचं नियोजन होतं. पण पालिका व पोलीस परवानगीचे विघ्न सध्या तरी मंडळावर घोंघावत असल्याने, यावर आता मंडळ काय निर्णय घेतं ते पाहणे उत्सुकतेचं ठरणार आहे.
