डोळे लाल भडक अन् महिलांचा पाठलाग...! रेल्वे स्थानकांवर महिला असुरक्षित? गैरवर्तनाचा धक्कादायक व्हिडीओ समोर
कोपरेखैरणे स्थानकात एका व्यक्तीकडून महिलांशी गैरवर्तन केले जात असल्याचे निदर्शनास आले. संबंधित व्यक्तीचा एक हात कापलेला असल्याचे या दिसून येत होते. या प्रकारामुळे स्थानक परिसरातील महिला प्रवाशांमध्ये अस्वस्थता निर्माण झाली. ही संपूर्ण घटना नवराष्ट्र डिजीटलने समोर आणली आहे.
शनिवारची सकाळची वेळ असल्याने स्थानकावर प्रवाशांची ये-जा सुरू होती. अशा गर्दीच्या ठिकाणी महिलांशी गैरवर्तन होणे ही गंभीर बाब असल्याची प्रतिक्रिया व्यक्त होत आहे. रेल्वे स्थानकांवर सीसीटीव्ही कॅमेरे, सुरक्षा कर्मचारी आणि पोलिसांची यंत्रणा असतानाही अशा घटना घडत असल्याने सुरक्षाव्यवस्थेच्या कार्यक्षमतेवर प्रश्न उपस्थित केले जात आहेत. विशेषतः महिला प्रवाशांसाठी स्थानकांवर अधिक सुरक्षित वातावरण निर्माण करण्याची गरज असल्याचे या घटनेतून पुन्हा अधोरेखित झाले आहे.
मुंबई आणि नवी मुंबईतील लोकल रेल्वे सेवेत दररोज मोठ्या संख्येने महिला प्रवास करतात. कामानिमित्त, शिक्षणासाठी तसेच इतर कारणांसाठी प्रवास करणाऱ्या महिलांना स्थानक परिसरात सुरक्षित वातावरण मिळणे आवश्यक आहे. मात्र, गर्दीच्या ठिकाणी गैरवर्तनाचे प्रकार घडल्यास महिलांच्या सुरक्षिततेबाबत भीतीचे वातावरण निर्माण होऊ शकते. त्यामुळे अशा घटनांना आळा घालण्यासाठी रेल्वे पोलिसांची गस्त वाढवणे, सीसीटीव्हीवर अधिक प्रभावी देखरेख ठेवणे आणि तक्रारींवर तातडीने कारवाई करणे आवश्यक असल्याची मागणी होत आहे.
कोपरेखैरणे स्थानकातील या प्रकारामुळे रेल्वे प्रशासन आणि सुरक्षा यंत्रणेने अधिक सतर्क राहण्याची गरज व्यक्त होत आहे. महिलांनीही अशा प्रकारच्या घटना घडल्यास तातडीने रेल्वे पोलिस किंवा संबंधित सुरक्षा कर्मचाऱ्यांशी संपर्क साधावा, असे आवाहन केले जात आहे.
दरम्यान, या घटनेबाबत अधिकृत पोलिस कारवाई किंवा संबंधित व्यक्तीविरोधातील गुन्ह्याची माहिती उपलब्ध झाल्यानंतरच पुढील तपशील स्पष्ट होणार आहे. मात्र, गर्दीच्या वेळेत घडलेल्या या प्रकारामुळे ट्रान्स हार्बर मार्गावरील महिला सुरक्षेचा मुद्दा पुन्हा चर्चेत आला आहे.
Mumbai Local: ठाणे स्थानकावर महिलांच्या डब्यात सापाची अफवा; 12 मिनिटे लोकल ठप्प, प्रवाशांमध्ये घबराट
.png "Videos"){kind=small}
