पिंपरी : रिआन देवेंद्र चव्हाण (Rian Chavan) याने सातव्या वाढदिवसाच्या निमित्ताने 12 फेब्रुवारीला 51 किमी अंतर सायकलवर जाऊन एक रेकॉर्ड बनवला आहे. पुणे दर्शन, सी.एम.ई., खडकी, लाल महाल, शनिवार वाडा, दगडूशेठ गणपती, डेक्कन, औंध, निगडी असे करत ‘इंडिया बुक ऑफ रेकॉर्ड’मध्ये (India Book of Records) विक्रम नोंदवला आहे.
रिआनचे लहानपणापासून साहसी खेळाकडे कल झुकलेला आहे. अवघ्या 3 वर्षांचा असताना सिंहगड ट्रेक पूर्ण केला. त्यानंतर तिकोना, विसापूर, लोहगड, शिवनेरी, तोरणा, सरसगड, मोहनदरी असे किल्ले व नेहमीच मनात येईल, तेव्हा घराजवळचे घोराडेश्वर, चौराई माता डोंगर, डोंगरवाडी, फिरंगाई माता मंदिर, दुर्गा टेकडी ट्रेक करत असतो.
रनिंगमध्ये 6 मॅरेथॉन त्याने पूर्ण केलेल्या आहेत. पिंपरी-चिंचवड येथील 5 किमी मॅरेथॉन 34 मिनिटांत पूर्ण केली आहे. स्पोर्ट्स फोर ऑल 2022 या अंडर 8 वर्षे वयोगटात 50 मीटर रनिंगमध्ये तिसरा नंबर पटकावून ब्रॉन्झ मेडल मिळवले आहे. तो केंद्रीय विद्यालय देहूरोड नंबर-1 या शाळेत दुसरी येतात शिकत आहे.
रिआनचे वडील देवेंद्र चव्हाण हे पिंपरी-चिंचवड पोलीस आयुक्तालय येथे पोलीस निरीक्षक पदावर तर आई डॉ. अपर्णा या भारतीय प्राणी सर्वेक्षण, पश्चिमी प्रादेशिक केंद्र, पुणे येथे शास्त्रज्ञ पदावर कार्यरत आहेत.
