Nashik News : रिक्षाचालकांचा चालंलाय मनमानी कारभार, प्रवाशांची सुरु आहे आर्थिक लूट

शहरातील सीबीएस परिसरात रिक्षाचालकांकडून प्रवाशांची सर्रास आर्थिक लूट सुरूप्रवाशांच्या म्हणण्यानुसार, येथील सर्वच रिक्षाचालक मीटरप्रमाणे भाडे घेण्यास साफ नकार देतात. उलट, मनमानी दर सांगत तासंतास थांबवून ठेवतात.

• मनमानी दर सांगत तासंतास प्रवाशांना थांबवून ठेवतात
• दमदाटीमुळे नागरिक त्रस्त; पोलिस प्रशासनाचे दुर्लक्ष
• आरटीओ, पोलिसांनी कारवाई करावी

नाशिक / राजू ठाकरे : शहरातील सीबीएस (सेंट्रल बस स्थानक) परिसरात रिक्षाचालकांकडून प्रवाशांची सर्रास आर्थिक लूट सुरू असल्याचे धक्कादायक चित्र समोर येत आहे. पुण्याहून नाशिकला येणाऱ्या प्रवाशांना सीबीएस येथे उतरल्यावर पुढील प्रवासासाठी ऑटो रिक्षांचा आधार घ्यावा लागतो. मात्र, याच ठिकाणी रिक्षाचालकांकडून अवाजवी भाडे आकारणी करून प्रवाशांना अक्षरशः वेठीस धरले जात असल्याच्या तक्रारी वाढल्या आहेत. प्रवाशांच्या म्हणण्यानुसार, येथील सर्वच रिक्षाचालक मीटरप्रमाणे भाडे घेण्यास साफ नकार देतात. उलट, मनमानी दर सांगत तासंतास प्रवाशांना थांबवून ठेवले जाते. विशेषतः रात्रीच्यावेळी ही लूट अधिक तीव्र होत असून, पर्याय नसल्याने प्रवाशांना अवाच्या सव्वा भाडे देऊन प्रवास करावा लागत आहे. याहून गंभीर बाब म्हणजे ओला, उबेरसारख्या ऑनलाईन सेवांवर चालणाऱ्या रिक्षांना येथील रिक्षाचालकांकडून तीव्र विरोध केला जात आहे.

Nashik News : मंदिराच्या आडून कुकर्माचा आरोप; बाबा खरातला फाशी द्या, मिरगावात संताप

प्रवाशांशी अरेरावी, दमदाटीमुळे नागरिक त्रस्त; पोलिस प्रशासनाचे दुर्लक्ष

ऑफलाईनसह ऑनलाईन बुकिंग केलेल्या प्रवाशांशी अरेरावी, शिवीगाळ तसेच दमदाटीच्या घटना घडत असल्याचे समोर आले आहे. विशेष म्हणजे दुसऱ्या रिक्षा चालकांनी नियमाप्रमाणे भाडे आकारून प्रवासी वाहतूक सेवा दिली तर येथील मुजोर रिक्षा चालक है प्रवाशांची इच्छा नसतांनाही त्या प्रवाशांना बळजबरीने आपल्या रिक्षात बसवतात. नियमाप्रमाणे योग्य दरात सेवा देणाऱ्या रिक्षा चालकांकडून धाक दाखवित, लूट करीत पैसे वसूल करून घेतात. सीबीएस परिसरात काही रिक्षाचालक अंमली पदार्थ किंवा मद्यप्राशन करूनच ठाण मांडून बसत असल्याचाही आरोप प्रवाशांनी केला आहे. त्यामुळे प्रवाशांच्या सुरक्षिततेचा प्रश्नही ऐरणीवर आला आहे.

ठराविक प्रवाशांसाठी पहातात वाट

सीबीएस किंवा नाशिकरोडस्थानकावरील अनेक मुजोर रिक्षाचालक हे केवळ लॉजिंग व्यवस्था हव्या असलेल्याच प्रवाशांची वाट पाहत असतात. यासाठी ते इतर रिक्षाचालकांशी नेहमीच वाद घालत असतात. लॉजवर सोडलेल्या प्रवाशांच्या बदल्यात अशा ऑटो रिक्षाचालकांना मोठ्या प्रमाणात लॉजवरून कमिशन अदा केले जाते व OOLA त्यामुळे हे रिक्षाचालक व्यसनी व मुजोर होण्यास जास्त खतपाणी मिळते. असेही प्रवाशांचे मत आहे.

आरटीओ, पोलिसांनी कारवाई करावी

आरटीओ व पोलीस प्रशासनाने तातडीने लक्ष घालून संबंधित रिक्षाचालकांवर कठोर कारवाई करावी, अशी मागणी केली आहे. विशेषतः या भागांत नियमित गस्त, वाहनांची तपासणी, कागदपत्रांची पडताळणी आणि मीटरप्रमाणे भाडे आकारणी होत आहे का याची पाहणी करणे अत्यावश्यक असल्याचे नागरिकांनी स्पष्ट केले आहे. प्रवाशांची लूट थांबवण्यासाठी प्रशासनाने तातडीने कठोर पावले उचलावीत, अन्यथा ही समस्या अधिक गंभीर होण्याची भीती व्यक्त केली जात आहे.

Nashik News : पाथर्डी शिवारात भोंदू बाबा खरातची कोट्यवधीची बेनामी मालमत्ता; मूळ मालकांना धमकावल्याच्या तक्रारी