असा प्रकार घडलाचं नाही…नाशिकच्या मासिक पाळी प्रकरणात नवं ट्विस्ट

शाळेचा हजेरी पट तपासला असता, ज्या दिवशी वृक्षारोपण झाले, त्याच दिवशी म्हणजे 14 जुलै रोजी विद्यार्थिनी शाळेत गैरहजर होती, असेही आढळून आले. तर, प्रत्यक्षात संबंधित विद्यार्थिनीबाबत असा काही प्रकार घडलाच नसल्याचं चौकशीत आढळून आलं आहे.

नाशिक : नाशिकच्या मासिक पाळीप्रकरणानं (Nashik Menstruation) आता नवं वळण घेतलं आहे. मासिक पाळी सुरू असल्यामुळे एका विद्यार्थिनीला वृक्षारोपण करण्यास मज्जाव करण्यात आला होता. या घटनेनंतर राज्यभरात याचे तीव्र पडसाद उमटू लागले आहेत. पण आता या प्रकरणी नवी माहित समोर येत असून मुलीने केलेली ही तक्रार बनावट असल्याचे अहवालाअंती समोर आले आहे.

मासिक पाळी सुरु असल्यामुळे एका विद्यार्थिनीला वृक्षारोपण करण्यास शिक्षकाने (Nashik Teacher) मनाई केली होती. सदर घटनेचा तीव्र निषेध करत विद्यार्थिनीने (Nashik Girl) आधी पालकांकडे आणि नंतर आयुक्तांकडे याविषयी तक्रार दाखल केली होती. पुरोगामी महाराष्ट्रात अजूनही शिक्षकांचे असे विचार असल्यावरून संताप व्यक्त केला गेला. याविषयी आदिवासी आयुक्तांमार्फत चौकशी समिती नेमण्यात आली होती. चौकशीनंतर समितीने सादर केलेल्या अहवालात धक्कादायक बाब उघड झाली आहे. मुलीने केलेली ही तक्रार बनावट असल्याचे अहवालाअंती समोर आले आहे.

[read_also content=”स्क्वॉशपटू सौरव घोषालची उपांत्य फेरीत धडक https://www.navarashtra.com/sports/squash-player-sourav-ghoshal-in-semi-final-310837.html”]

शाळेचा हजेरी पट तपासला असता, ज्या दिवशी वृक्षारोपण झाले, त्याच दिवशी म्हणजे 14 जुलै रोजी विद्यार्थिनी शाळेत गैरहजर होती, असेही आढळून आले. तर, प्रत्यक्षात संबंधित विद्यार्थिनीबाबत असा काही प्रकार घडलाच नसल्याचं चौकशीत आढळून आलं आहे. शाळेत वृक्षारोपण झाले त्या दिवशी संबंधित विद्यार्थिनी गैरहजर असल्याचं समितीने केलेल्या चौकशीत आढळून आलं. आदिवासी विभागाच्या प्रकल्प अधिकारी वर्षा मीना आणि बालहक्क संरक्षण आयोग सायली पालखेडकर यांचा अहवाल समोर आला आहे. त्यामुळे संबंधित शिक्षक निर्दोष असल्याचा अहवाल चौकशी अधिकारी तसेच प्रकल्प अधिकाऱ्यांनी अप्पर आयुक्तांकडे सादर केला आहे. दोन महिन्यांपासून ही विद्यार्थिनी सतत गैरहजर होती. या कारवाईच्या भीतीतून विद्यार्थिनीने आरोप करताना सदर प्रकरणाचा बनाव केला असण्याची शक्यता वर्तवण्यात आली आहे.