Pune Farmers Loan waiver: पुणे जिल्ह्यातील १२,८८६ शेतकऱ्यांना ७८.९४ कोटींची कर्जमाफी

Pune Farmers Loan waiver: शेतीतील वाढता उत्पादन खर्च, नैसर्गिक आपत्ती आणि पीक उत्पन्नातील अनिश्चितता यामुळे शेतकऱ्यांसमोर आर्थिक अडचणी निर्माण होत आहेत. शासनाच्या योजनेतून मिळणारी मदत शेतकऱ्यांसाठी महत्त्वाची ठरेल. जिल्ह्यातील पात्र लाभार्थ्यांना मिळणाऱ्या निधीमुळे थकीत कर्जाचा भार कमी होण्यास मदत होणार आहे.

• ७८.९४ कोटींचा थेट लाभ
• आधार प्रमाणीकरण आवश्यक
• दोन लाखांपर्यंत कर्जमुक्ती

Pune Farmers Loan waiver: कर्जाच्या ओझ्याखाली दबलेल्या पुणे जिल्ह्यातील शेतकऱ्यांना कर्जमुक्तीच्या माध्यमातून आर्थिक दिलासा मिळणार आहे. पुण्यश्लोक अहिल्यादेवी होळकर शेतकरी कर्जमुक्ती योजना-२०२६ अंतर्गत जिल्ह्यातील १२ हजार ८८६ पात्र शेतकऱ्यांना ७८ कोटी ९४ लाख रुपयांचा लाभ मिळत आहे. राज्य शासनाकडून लाभार्थ्यांच्या खात्यात कर्जमुक्तीची रक्कम जमा करण्यात येत असून, त्यामुळे पात्र शेतकऱ्यांना थकीत पीक कर्जाच्या भारातून दिलासा मिळणार आहे.

शेतीतील वाढता उत्पादन खर्च, नैसर्गिक आपत्ती आणि पीक उत्पन्नातील अनिश्चितता यामुळे शेतकऱ्यांसमोर आर्थिक अडचणी निर्माण होत आहेत. शासनाच्या योजनेतून मिळणारी मदत शेतकऱ्यांसाठी महत्त्वाची ठरेल. जिल्ह्यातील पात्र लाभार्थ्यांना मिळणाऱ्या निधीमुळे थकीत कर्जाचा भार कमी होण्यास मदत होणार आहे.

Farmer Crop Loan: शेतकऱ्यांना पीककर्ज देण्यास टाळाटाळ नको; आमदार श्वेता महालेंच्या सूचना, अमोल साठेंच्या नेतृत्वात भाजपचे निवेदन

आधार प्रमाणीकरणानंतर लाभाचे वितरण

योजनेची अंमलबजावणी ऑनलाइन संगणकीय प्रणालीद्वारे करण्यात येत आहे. महाआयटीने विकसित केलेल्या पोर्टलवर बँकांकडून थकीत कर्जखात्यांची माहिती अपलोड करण्यात आली आहे. संगणकीय पडताळणीनंतर पात्र शेतकऱ्यांच्या याद्या आधार प्रमाणीकरणासाठी प्रसिद्ध करण्यात आल्या आहेत. आतापर्यंत चार याद्यांमध्ये राज्यातील २५ लाख ८२ हजार ८२७ पात्र शेतकऱ्यांचा समावेश करण्यात आला आहे. त्यापैकी आधार प्रमाणीकरण पूर्ण झालेल्या लाभाथ्यर्थ्यांच्या खात्यात टप्प्याटप्प्याने कर्जमुक्तीची रक्कम जमा केली जात आहे.

दोन लाखांपर्यंत कर्जमुक्ती

राज्य शासनाने २ जून २०२६ रोजीच्या शासन निर्णयानुसार ही योजना सुरू केली आहे. या योजनेतर्गत १ एप्रिल २०१९ ते ३१ मार्च २०२५ या कालावधीत वितरित करण्यात आलेली आणि ३० सप्टेंबर २०२५ पर्यंत थकीत असलेली, तसेच ३१ मार्च २०२६ पर्यंत परतफेड न झालेली पीक कर्जे पात्र ठरणार आहेत. पुनर्गठित आणि फेरपुनर्गठित कर्जाचाही यामध्ये समावेश असून, पात्र शेतकऱ्यांना दोन लाख रुपयांपर्यंत कर्जमुक्तीचा लाभ दिला जात आहे.

Buldhana: शेतकऱ्यांना पीक कर्जाची प्रतीक्षा, पीक माफीनंतरही खाती सुरू; शेतकरी संघटनेचा आंदोलनाचा इशारा

जिल्हानिहाय यादी प्रसिद्ध

पुणे जिल्ह्यातील पात्र शेतकरी लाभार्थी आणि त्यांना मिळणाऱ्या कर्जमुक्तीच्या रकमेची माहिती ४ नोव्हेंबर २०२६ रोजी प्रसिद्ध करण्यात आली आहे. त्यामुळे शेतकऱ्यांना योजनेतील आपली पात्रता आणि लाभाची रक्कम तपासता येणार आहे. जिल्ह्यातील १२ हजार ८८६ शेतकऱ्यांना मिळणारा हा लाभ कर्जाच्या आर्थिक ताणातून दिलासा देणारा ठरणार आहे. कर्जमुक्तीमुळे शेतकऱ्यांना आर्थिक नियोजन करण्यास मदत होण्याची अपेक्षा आहे.