Pune HCMTR Inner Ring Road: पुण्याच्या ‘HCMTR’ प्रकल्पाला ३० वर्षांनंतर मुहूर्त; भूसंपादनासाठी ३१ ऑगस्टची मुदत

Pune HCMTR Project: या बैठकीत एचसीएमटीआरसाठी आवश्यक असलेल्या भूसंपादनावी सद्यस्थिती, विविध स्तरांवरील प्रलंबित प्रकरणे, संबंधित जमीन व मालमत्ता. उपलब्ध शासकीय जमीन आणि भूसंपादन प्रक्रियेतील अडथळ्यांची सविस्तर माहिती देण्यात आली.

• ३० वर्षांपासून प्रलंबित एचसीएमटीआर (HCMTR) आणि इनर रिंग रोड प्रकल्पाला गती
• भूसंपादनाचे प्रस्ताव सादर करण्यासाठी ३१ ऑगस्टची अंतिम मुदत
• जिल्हाधिकारी जितेंद्र दुडी आणि महापालिका आयुक्त नवल किशोर राम यांचे निर्देश

Pune HCMTR Inner Ring Road:  तीस वर्षाहून अधिक काळ कागदावरच राहीलेल्या ‘एचसीएमटीआर’ (हाय कॅपेसिटी मास स्ट्रान्झिट रुट) मार्गाच्या उभारणीला आता गती मिळणार आहे. या मार्गाबरोबरच ‘इनर रिंग’ रोडसाठी आवश्यक भुसंपादनाचे प्रस्ताव या महीन्याअखेरपर्यंत सादर करावेत अशा सुचना जिल्हाधिकारी जितेंद्र दुडी आणि महापालिका आयुक्त नवल किशोर राम यांनी दिल्या आहेत. शहराच्या १९८७ च्या विकास आराखड्‌यात एचसीएमटीआर हा मार्ग आखण्यात आला होता. या मार्गाची अद्याप उभारणी झाली नाही. गेल्या तीस वर्षांहून अधिक काळ या विषयावर चर्चाच होत असल्याने तो कागदावर राहीला आहे.

Amit Shah–Eknath Shinde Meeting : अमित शाह-एकनाथ शिंदेंमध्ये विमानतळावर 10 मिनिटं चर्चा;

संयुक्त बैठकीत जिल्हाधिकाऱ्यांकडून कामांचा आढावा

नुकतेच झालेल्या संयुक्त बैठकीत जिल्हाधिकारी दुडी आणि महापालिका आयुक्त नवल किशोर राम यांनी या प्रकल्पाचा तसेच ‘इनर रिंग’ रोडच्या प्रस्तावाचा आढावा घेतला, या दोन्ही प्रकल्पासाठी आवश्यक भूसंपादन प्रक्रियेला गती देण्याचे निर्देश दिले आहेत.

या बैठकीत पुणे शहराचे दीर्घकालीन वाहतूक व्यवस्थापन, वाढत्या शहरीकरणामुळे भविष्यात निर्माण होणारा वाहतुकीचा ताण, प्रमुख रस्त्यांवरील वाहतूक कोंडी कमी करण्यासाठी एचसीएमटीआर प्रकल्पाचे महत्त्व आणि शहराला पर्यायी व कार्यक्षम वाहतूक मार्ग उपलब्ध करून देण्यावर चर्चा झाली.

भूसंपादनाला प्राधान्य

या बैठकीत एचसीएमटीआरसाठी आवश्यक असलेल्या भूसंपादनावी सद्यस्थिती, विविध स्तरांवरील प्रलंबित प्रकरणे, संबंधित जमीन व मालमत्ता. उपलब्ध शासकीय जमीन आणि भूसंपादन प्रक्रियेतील अडथळ्यांची सविस्तर माहिती देण्यात आली. प्रकल्पावर पुढील कार्यवाहीसाठी संबंधित अधिका-यांकडून आवश्यक माहिती मिळवण्यात आली जिल्हा दंडाधिकारी डुडी यांनी सांगितले की, भूसंपादन प्रक्रियेला प्राधान्य देण्यासाठी महानगरपालिका आणि जिल्हा प्रशासनाच्या संबंधित विभागानी समन्वयाने काम करावे, प्रत्येक प्रलंबित प्रकरणाचा स्वतंत्रपणे आढावा घ्यावा आणि अडथळे दूर करण्यासाठी तातडीने कारवाई करावी.

Sangli Politics: सांगली राजकीय वर्तुळात खळबळ! जतमध्ये दोन माजी आमदारांसह ४० जणांवर पोलिसांत

दर निश्चितीसह कार्यवाही

जमिनीची उपलब्धता, मोजमाप, मालमतेची माहिती सुनिश्चित करणे आणि आवश्यक कागदपत्रे वेळेवर पूर्ण करण्याच्या सूचनाही देण्यात आल्या, अंतर्गत वलय मार्गासाठी अंतिम मुदत निश्चितत्याचप्रमाणे, प्रस्तावित अंतर्गत वलय मार्गासाठी भूसंपादन प्रक्रियेला गती देण्याच्या सूचना देण्यात आल्या आहेत.

या प्रकल्पासाठीची सर्व भूसंपादन प्रकरणे ३१ ऑगस्टपर्यंत जिल्हा प्रशासनाकडे सादर करण्याचे निर्देश देण्यात आले आहेत, त्यानंतर, १० सप्टेंबरपर्यंत जमिनीची मोजणी सुरू केली जाईल, त्यानतर संबंधित भूखंडांचे बाजारमूल्य आणि दर निश्चित करण्याची प्रक्रिया सुरू केली जाईल.

दर निश्चित्ती आणि पुढील कार्यवाहीला गती देण्यासाठी १० ऑक्टोबर रोजी संबंधित विभागांची बैठक आयोजित केली आहे. नर रिंग रोडसाठी उपलब्ध जमीन, भूसंपादनाची सद्यस्थिती, जमीनमालकांची माहिती, आवश्यक कागदपत्रे आणि प्रक्रियेतील अडथळ्यांचाही आढावा घेण्यात आला.