नाशिक-सिन्नर मार्गावर धावत्या बसला आग
रांजणगाव गणपती : पुणे – अहिल्यानगर महामार्गावरील रांजणगाव गणपती (ता. शिरुर) येथील अष्टविनायक श्री महागणपती मंदिरासमोर एका चालत्या खाजगी बसने अचानक पेट घेतला. परंतू बसचालकाने प्रसंगावधान राखत सर्व प्रवाशांना तातडीने खाली उतरविल्यामुळे बसमधील ३६ प्रवाशांचे प्राण वाचले, मात्र या आगीत बस पूर्णपणे जळून खाक झाली. ही बस रस्त्याच्या कडेलाच असल्याने बघ्यांची मोठी गर्दी झाली होती. यामुळे महामार्गावरील दोन्ही बाजूची वाहतूक जवळपास दोन तास विस्काळीत झाली होती.
शुक्रवार, दिनांक १२ रात्री साडेआठ वाजण्याच्या सुमारास ही दुर्घटना घडली आहे. याबाबत मिळालेल्या माहितीनुसार, नागपूर येथील संजय ट्रॅव्हल्स कंपनीची बस (क्र. एमएच ४०,सिटी ०९५७) पुण्याहून नागपूरकडे जात असताना रांजणगाव गणपतीजवळ बसमधील इंजिनमधून अचानक धूर निघत असल्याचे दिसताच चालक व मदतनीसने बस तातडीने रस्त्याखाली घेऊन बसमधील प्रवाशांना खाली उतरवल्यानंतर काही वेळातच आगीने रौद्ररूप धारण केले. या बसमधून दोन प्रवाशांचे साहित्य वगळता सर्व प्रवाशी सुखरूप बाहेर पडले.
या घटनेची माहिती मिळताच रांजणगाव एमआयडीसी पोलिस ठाण्याचे पोलिस निरीक्षक महादेव वाघमोडे यांनी आपल्या पोलिस पथकासह तातडीने घटनास्थळी धाव घेतली. बसमधील आसने व पडदे यामुळे वेगाने पसरलेली आग रांजणगाव एमआयडीसीच्या अग्निशमन दलाने आटोक्यात आणली. या आगीदरम्यान बसच्या टायरचे स्फ़ोट झाल्याने परिसरात घबराट पसरली होती.
अवजड वाहनांनी शाळकरी मुलासह वृद्धाला चिरडले
मोबाईलवर बोलत चाललेल्या सिमेंट मिक्सर चालकाच्या बेदरकारपणामुळे मिक्सरची धडक बसून झालेल्या अपघातात सायकलस्वार शाळकरी मुलाचा बळी गेला आहे. ही घटना चिंचवड येथे एसकेएफ कंपनीजवळ गुरूवारी (दि. १२) दुपारी साडेबाराच्या सुमारास घडली आहे. तर, बुधवारी (दि. ११) रात्री पावणेदहाच्या सुमारास पुणे – आळंदी पालखी मार्गावर बोपखेल येथे ट्रेलरच्या धडकेत ७२ वर्षीय वृद्धाचा मृत्यु झाला आहे. या घटनांनी अवजड वाहनांमुळे निर्माण होणारी उद्योगनगरीतील अपघातांची गंभीर समस्या पुन्हा एकदा ऐरणीवर आली आहे. भरधाव ट्रक, डंपर, मिक्सर आणि कंटेनरमुळे दुचाकीसह इतर वाहनचालकांना आणि पादचार्यांना कायमच जीव मुठीत घेऊन रस्त्याने ये-जा करावी लागत आहे.
.png "Videos"){kind=small}
