Pune GBS Update: गुइलेन बॅरी सिंड्रोमची धोक्याची घंटा; केंद्राचे आरोग्य पथक पुण्यात दाखल

जीबीएस प्रकरणांवर नियंत्रण मिळवण्यासाठी आणि रुग्णांची प्रभावी उपचार सुविधा सुनिश्चित करण्यासाठी राज्य आणि केंद्र सरकार संयुक्तपणे काम करत आहेत.

Photo Credit- Social Media गुइलेन बॅरी सिंड्रोमवर नियंत्रण राखण्यासाठी केंद्राचे आरोग्य पथक पुण्यात दाखल

Follow Us:

Follow Us:

Pune GBS news :  गेल्या काही दिवासांपासून पुण्यात गुइलेन बॅरी सिंड्रोमने थैमान घातले आहे. आतापर्यंत पुण्यात 111 रुग्णांची नोंद करण्यात आली असून सोलापूर आणि कोल्हापूरमध्ये दोन दोन रूग्ण आढळून आले आहेत. यासोबत नागपूरमध्येही 6 जणांना जीबीएसची लागण झाली आहे. राज्यातील वाढत्या जीबीएस रुग्णांची संख्या पाहता राज्यासह केंद्र सरकारची आरोग्य यंत्रणा अलर्ट मोडवर आली आहे. केंद्र सरकारनेही जीबीएसवर नियंत्रण ठेवण्यासाठी पावले उचलण्यास सुरूवात केली आहे. केंद्र सरकारकडून जीबीएस आजारासंदर्भात केंद्रीय आरोग्य यंत्रणांचे पथक नियुक्त केले असून हे पथक महाराष्ट्रात दाखलझाले आहे.

पुण्यात गुइलेन बॅरी सिंड्रोम (GBS) रुग्णांच्या संख्येत वाढ झाल्याने केंद्र सरकारने एक उच्चस्तरीय आणि बहु-विषयक तज्ज्ञ पथक महाराष्ट्रात पाठवले आहे. या पथकाचे मुख्य उद्दिष्ट राज्याच्या आरोग्य अधिकाऱ्यांना मार्गदर्शन करणे आणि संशयित तसेच पुष्टी झालेल्या प्रकरणांवर प्रभावी उपाययोजना राबवण्यासाठी मदत करणे आहे. पुण्यात GBS प्रकरणांचे थैमान सुरू असून, एका रुग्णाचा मृत्यू झाल्याने शहरातील नागरिकांमध्ये भीतीचे वातावरण निर्माण झाले आहे. केंद्र सरकारच्या या पथकात विविध क्षेत्रातील तज्ज्ञांचा समावेश असून, हे पथक राज्याच्या आरोग्य यंत्रणेसोबत समन्वय साधत कार्यरत आहे.

जीबीएस प्रकरणांवर नियंत्रण मिळवण्यासाठी आणि रुग्णांची प्रभावी उपचार सुविधा सुनिश्चित करण्यासाठी राज्य आणि केंद्र सरकार संयुक्तपणे काम करत आहेत. पुणे शहरातील दूषित पाणीपुरवठ्यामुळे प्रकरणे वाढल्याचा संशय असल्याने, पाणीपुरवठा यंत्रणेची तपासणी आणि स्वच्छता यासाठी कठोर उपाययोजना करण्यात येत आहेत. केंद्र सरकारचे पथक रुग्णसंख्येचा अभ्यास करून प्रतिबंधात्मक उपाय सुचवणार असून, पुणे महापालिका आणि आरोग्य विभागाला योग्य ते उपाय राबवण्यासाठी मदत करेल. यामुळे पुण्यातील GBS प्रकरणांवर नियंत्रण मिळण्याची अपेक्षा आहे.

गुलेन-बॅरे सिंड्रोमच्या (GBS) वाढत्या प्रकरणांच्या पार्श्वभूमीवर केंद्र सरकारने तज्ज्ञांचे पथक महाराष्ट्रात पाठवले आहे. या पथकात विविध क्षेत्रांतील सात तज्ज्ञांचा समावेश असून, त्यामध्ये राष्ट्रीय रोग नियंत्रण केंद्र (NCDC), दिल्ली, निमहान्स, बेंगळुरू, प्रादेशिक आरोग्य व कुटुंब कल्याण कार्यालय, तसेच पुण्याच्या नॅशनल इन्स्टिट्यूट ऑफ व्हायरॉलॉजी (NIV) च्या तज्ज्ञांचा समावेश आहे.

पथकाची जबाबदारी:

जमिनीवरील परिस्थितीचा आढावा घेणे: पथक राज्याच्या आरोग्य विभागासोबत समन्वय साधून GBS प्रकरणांचे मूल्यमापन करेल.
सार्वजनिक आरोग्य उपाययोजना सुचवणे: परिस्थिती नियंत्रणात आणण्यासाठी पथक सार्वजनिक आरोग्यासाठी आवश्यक शिफारसी देईल.
स्थानिक प्रशासनाला सहकार्य: पुण्यातील NIV चे तीन तज्ज्ञ सध्या स्थानिक प्रशासनासोबत प्रत्यक्ष मदत आणि सल्ला देत आहेत.
केंद्रीय आरोग्य मंत्रालयाची भूमिका:
केंद्रीय आरोग्य मंत्रालय परिस्थितीवर बारीक लक्ष ठेवून आहे आणि महाराष्ट्र राज्यासोबत सक्रिय समन्वय साधत आहे. मंत्रालयाने या संकटाचा सामना करण्यासाठी राज्याला आवश्यक सर्वतोपरी मदत देण्याची ग्वाही दिली आहे.

हे पथक आणि स्थानिक यंत्रणा तातडीने उपाययोजना राबवत असून, दूषित पाणीपुरवठ्याचा मुद्दा सोडवण्यासाठी तसेच रुग्णसंख्येवर नियंत्रण मिळवण्यासाठी पुढील पावले उचलली जात आहेत. सर्वसामान्य नागरिकांनी अधिकृत सूचना पाळाव्यात आणि सतर्क राहावे, असे आवाहन प्रशासनाकडून करण्यात आले आहे.

Web Title: Central health team arrives in pune to control guillain barr syndrome nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com