फोटो सौजन्य सोशल मीडिया
या प्रकल्पामुळे हिंजवडी आणि शिवाजीनगरदरम्यानची कनेक्टिव्हिटी अधिक मजबूत होणार असून, प्रवाशांचा प्रवासाचा वेळ जवळपास ५० टक्क्यांनी कमी होण्याची अपेक्षा आहे. सार्वजनिक-खासगी भागीदारी (PPP) मॉडेलअंतर्गत विकसित झालेला हा प्रकल्प पुण्याच्या शहरी वाहतूक व्यवस्थेसाठी महत्त्वाचा मानला जात आहे.
सीमेन्स लिमिटेडने पुणे मेट्रो लाइन ३ साठी एकात्मिक रेल्वे तंत्रज्ञानाचा संच उपलब्ध करून दिला आहे. यामध्ये सिस्टीम्स इंटिग्रेशन, ७५० व्होल्ट डीसी थर्ड-रेल इलेक्ट्रिफिकेशन, कम्युनिकेशन्स-बेस्ड ट्रेन कंट्रोल (CBTC) सिग्नलिंग आणि एकात्मिक दळणवळण यंत्रणेचा समावेश आहे.
याशिवाय प्रकल्प व्यवस्थापन आणि डेपो उपकरणांची सुविधाही पुरवण्यात आली आहे. या सर्व तंत्रज्ञानाच्या एकत्रित वापरामुळे मेट्रोचे संचालन अधिक सुरक्षित, अचूक आणि विश्वासार्ह होण्यास मदत मिळणार आहे. विशेष म्हणजे, विद्युतीकरण आणि सिग्नलिंग यंत्रणांच्या देखभालीसाठी कंपनीने १० वर्षांची जबाबदारीही स्वीकारली आहे.
पुणे महापालिकेत खळबळ! माजी उपमहापौरांवर महिला कर्मचाऱ्याशी गैरवर्तन केल्याचा आरोप
पुणे मेट्रो लाइन ३ हा सुमारे २३ किलोमीटर लांबीचा उन्नत मेट्रो मार्ग आहे. हा मार्ग पुण्यातील प्रमुख आयटी केंद्र असलेल्या हिंजवडीला मध्यवर्ती शिवाजीनगरशी जोडतो. या मार्गामुळे दररोज प्रवास करणाऱ्या आयटी क्षेत्रातील कर्मचारी, विद्यार्थी आणि नागरिकांना मोठा दिलासा मिळण्याची अपेक्षा आहे. सध्या या मार्गावर मोठ्या प्रमाणात वाहतूक कोंडीचा सामना करावा लागतो. मेट्रो सेवा पूर्ण क्षमतेने सुरू झाल्यानंतर प्रवासाचा वेळ जवळपास ५० टक्क्यांनी कमी होऊ शकतो. त्यामुळे रस्त्यावरील वाहनांची गर्दी कमी होण्यासोबतच इंधनाची बचत आणि प्रदूषण नियंत्रणालाही हातभार लागणार आहे.
संगमवाडीतील पाण्याच्या टाकीचे काम दोन महिन्यात पूर्ण करा, अन्यथा…; मनसेचा प्रशासनाला इशारा
पुणे मेट्रो लाइन ३ ची उभारणी केंद्र सरकारच्या न्यू मेट्रो रेल पॉलिसीनुसार सार्वजनिक-खासगी भागीदारी (PPP) मॉडेलअंतर्गत करण्यात आली आहे. या प्रकल्पासाठी पुणे आयटी सिटी मेट्रो रेल लिमिटेड या विशेष उद्देश कंपनीची (SPV) स्थापना करण्यात आली. यामध्ये टाटा समूहातील टीआरआयएल अर्बन ट्रान्सपोर्ट प्रायव्हेट लिमिटेड आणि सीमेन्स फायनान्शियल सर्व्हिसेसची उपकंपनी सीमेन्स प्रोजेक्ट व्हेंचर्स जीएमबीएच यांचा सहभाग आहे.
सीमेन्स लिमिटेड ही सीमेन्स एजी आणि त्यांच्या भागीदारांसोबतच्या कन्सोर्टियमचा भाग म्हणून या प्रकल्पात कार्यरत होती. कंपनीच्या मोबिलिटी बिझनेसचे प्रमुख राजीव जोईसर यांनी या प्रकल्पाला भारताच्या शहरी वाहतूक क्षेत्रातील महत्त्वाचा टप्पा असल्याचे म्हटले आहे. भविष्यात देशातील मेट्रो प्रकल्पांच्या विस्तारासाठी अशा भागीदारी उपयुक्त ठरतील, असा विश्वासही त्यांनी व्यक्त केला.
.png "Videos"){kind=small}
