राहुल गांधीवर वीर सावरकर प्रकरणात कारवाईची मागणी
पुणे: वीर सारवकर यांच्याशी संबंधित वक्तव्याबाबत पुणे न्यायालयात प्रलंबित असलेल्या खटल्याच्या सुनावणीसाठी काँग्रेस नेते राहुल गांधी हजर राहिले नाहीत. गांधींचे वकील मिलिंद पवार म्हणाले की, संसदेच्या हिवाळी अधिवेशनामुळे काँग्रेस खासदार राहुल गांधी हे हिंदुत्ववादी विचारवंत वीर सावरकर यांच्या कुटुंबीयांनी केलेल्या मानहानीच्या तक्रारीप्रकरणी सोमवारी पुण्यातील न्यायालयात हजर झाले नाहीत.
राहुल गांधी यांचे वकील मिलिंद पवार यांनी संसदेचे सत्र सुरू असल्यामुळे त्यांच्या अशिलाला न्यायालयात हजर राहण्यापासून सूट देण्याची मागणी केली आहे. पवार म्हणाले की, लोकसभेतील विरोधी पक्षनेते 10 जानेवारीला न्यायालयात हजर होतील. त्यामुळे आता या संदर्भात न्यायाची वाट पाहण्यासाठी जानेवारी महिन्याची वाट पाहावी लागणार आहे (फोटो सौजन्य – इन्स्टाग्राम)
काय आहे प्रकरण
वीर सावरकरांचे नातू सात्यकी सावरकर यांनी पुणे न्यायालयात तक्रार दाखल केली होती की, राहुल गांधी यांनी मार्च 2023 मध्ये लंडनमधील भाषणात सांगितले होते की, सावरकरांनी एका पुस्तकात लिहिले होते की, त्यांना आणि त्यांच्या पाच-सहा मित्रांनी एकदा एका मुस्लिम माणसाला मारहाण केली होती आणि यानंतर सावरकर अत्यंत आनंदी होते.
याचिकेनुसार वीर सावरकरांनी असे कुठेही लिहिलेले नाही. त्यावेळी न्यायालयाने पोलिसांना या आरोपांची चौकशी करून अहवाल सादर करण्यास सांगितले होते. चौकशीअंती विश्रामबाग पोलिसांनी तक्रारीत प्रथमदर्शनी सत्य असल्याचे सांगितले. सह दिवाणी न्यायाधीश आणि न्यायदंडाधिकारी (प्रथम वर्ग) अमोल शिंदे यांच्या खासदार-आमदार न्यायालयाने 18 नोव्हेंबर रोजी आदेश देताना राहुल गांधी यांना 2 डिसेंबर रोजी न्यायालयात हजर राहण्यास सांगितले होते.
Maharashtra New CM: महायुतीत आता नवे संकट? मुख्यमंत्री तर ठरला BJP चा, पण गृहमंत्रालयावर अडलं घोडं
राहुल गांधीविरुद्ध अजामीनपात्र वॉरंट जारी करण्याची मागणी
तक्रारदार सात्यकी सावरकर यांचे प्रतिनिधित्व करणारे वकील संग्राम कोल्हटकर यांनी राहुल गांधी यांच्याविरुद्ध अजामीनपात्र वॉरंट जारी करण्याची विनंती केली आहे, कारण ते तीन वेळा न्यायालयात हजर राहिलेले नाहीत.
कोल्हटकर यांनी असा युक्तिवाद केला की राहुल गांधी हे समन्स प्राप्त करूनही हजर झाले नाहीत. याशिवाय भारतीय दंड संहितेच्या कलम 174 नुसार कारवाई करण्याची मागणी करण्यात आली आहे. 10 जानेवारी रोजी न्यायालयात हजर न झाल्यास अजामीनपात्र वॉरंट जारी करण्यात येईल, असे कोल्हटकर यांनी नंतर पत्रकारांना सांगितले.
सावरकरांवर करण्यात आलेली टिप्पणी थांबवावी
सात्यकी सावरकर यांचे वकील कोल्हटकर यांनी 26 नोव्हेंबर रोजी राहुल गांधींनी दिलेल्या भाषणाशी संबंधित काही वृत्त क्लिपिंग्जही न्यायालयात सादर केल्या. गांधींना सावरकरांविरुद्ध कोणतीही टिप्पणी करण्यापासून रोखण्याची विनंती त्यांनी न्यायालयाला केली, ज्यावर न्यायमूर्ती शिंदे यांनी वकील पवार यांना त्यांच्या अशिलाला अशी टिप्पणी करू नये याची मौखिक ताकीद दिली आहे.
दरम्यान न्यायालयाने 23 ऑक्टोबर रोजी गांधींना प्रत्यक्ष हजर राहण्यास सांगितले होते. या प्रकरणाची पुढील सुनावणी 10 जानेवारीला होणार असून त्यादरम्यान राहुल हजर राहण्याची शक्यता आहे.
.png "Videos"){kind=small}
