sindhudurga news
केंद्र शासनाच्या मसुदा अधिसूचनेनुसार महाराष्ट्रातील पश्चिम घाट परिसरातील १३ जिल्ह्यांमधील ५६ तालुक्यांतील २ हजार ५१५ गावांचा पर्यावरण संवेदनशील क्षेत्रात समावेश प्रस्तावित करण्यात आला आहे. पश्चिम घाट हा जैवविविधतेच्या दृष्टीने महत्त्वाचा प्रदेश मानला जात असल्याने या परिसरातील पर्यावरणीयदृष्ट्या संवेदनशील भागांचे संरक्षण करण्यासाठी ही प्रक्रिया राबविण्यात येत आहे.
या प्रस्तावामध्ये सिंधुदुर्ग जिल्ह्याला मोठा वाटा असून, जिल्ह्यातील सावंतवाडी, कुडाळ, कणकवली, देवगड आणि वैभववाडी या पाच तालुक्यांतील एकूण १९८ गावांचा समावेश करण्यात आला आहे. त्यामुळे या गावांमध्ये प्रस्तावित पर्यावरण संवेदनशील क्षेत्राबाबत स्थानिक पातळीवर उत्सुकता आणि चर्चा सुरू होण्याची शक्यता आहे.
मसूदा अधिसूचना प्रसिद्ध झाल्याच्या तारखेपासून ६० दिवसांच्या आत आक्षेप, सूचना आणि हरकती केंद्र शासनाच्या पर्यावरण, वन व हवामान बदल मंत्रालयाकडे सादर करणे आवश्यक आहे. आक्षेप व सूचना es-z-mef@nic.in या ई मेलवर पाठविता येतील, तरोच केंद्र शासनाचे पर्यावरण, वन व हवामान बदल मंत्रालय, इंदिरा पर्यावरण भवन, जोरबाग रोड, नवी दिल्ली-११०००३ या पत्त्यावर लेखी स्वरूपातही हरकती सादर करता येणार आहेत.
Nitesh Rane: दीड-दोन तासांचा प्रवास अवघ्या 15 मिनिटांत! सिंधुदुर्गात सुरू होणार आधुनिक फेरीबोट सेवा
सिंधुदुर्ग जिल्ह्यातील पाच तालुक्यांतील १९८ गावांचा प्रस्तावित समावेश असल्याने या अधिसूचनेला स्थानिक पात्तळीवर विशेष महत्त्व प्राप्त झाले आहे. पर्यावरण संवर्धन आणि स्थानिक नागरिकांचे हित यामध्ये समतोल राखण्याच्या दृष्टीने मसुद्यावर नागरिकांच्या सूचना व हरकती महत्त्वाच्या ठरणार आहेत. संबंधित गावांतील नागरिक, ग्रामस्थ, स्थानिक संस्था आणि अन्य संबंधितांनी दिलेल्या मुदतीत आपले म्हणणे नोंदविण्याचे आवाहन करण्यात आले आहे.
.png "Videos"){kind=small}
