Ratnagiri: कुस्तीच्या मैदानात युवा मल्लांची ताकद! रत्नागिरीतील शालेय कुस्ती स्पर्धेला उत्स्फूर्त प्रतिसाद

Ratnagiri: स्पर्धेत १४, १७ आणि १९ वर्षांखालील मुला-मुलींच्या विविध वजनगटांत सामने घेण्यात आले. जिल्ह्यातील प्रत्येक तालुक्यातून विद्यार्थी-विद्यार्थिनींनी मोठ्या संख्येने सहभाग नोंदविला.

• कुस्तीच्या आखाड्यात २२५ मल्लांच्या डावपेचांची चुरस 
• जिल्हास्तरीय शालेय स्पर्धेला मिळाला मोठा प्रतिसाद
• फ्रीस्टाईल, ग्रीको-रोमनमधून ७८ मल्लांची निवड

रत्नागिरी: रत्नागिरी जिल्ह्यातील शालेय विद्यार्थ्यांमध्ये कुस्ती खेळाची आवड वाढत असून, यंदाच्या जिल्हास्तरीय शालेय कुस्ती स्पर्धेत्तर उत्स्फूर्त प्रतिसाद मिळाला. तब्बल २२५ विद्यार्थी-विद्यार्थिनींनी विविध वजनगटांत सहभाग नोंदवत कुस्तीच्या आखाड्‌यात आपले कौशल्य पणाला लावले. क्रीडा व युवक सेवा संचालनालय, महाराष्ट्र राज्य, पुणे, जिल्हा क्रीडा परिषद व जिल्हा क्रीडा अधिकारी कार्यालय, रत्नागिरी तसेच रत्नागिरी जिल्हा कुस्ती असोसिएशन यांच्या संयुक्त विद्यमाने २७ सप्टेंबर रोजी जिल्हा क्रीडा संकुल, रानागिरी येथे ही स्पर्धा उत्साहपूर्ण वातावरणात झाली.

स्पर्धेत १४, १७ आणि १९ वर्षांखालील मुला-मुलींच्या विविध वजनगटांत सामने घेण्यात आले. जिल्ह्यातील प्रत्येक तालुक्यातून विद्यार्थी-विद्यार्थिनींनी मोठ्या संख्येने सहभाग नोंदविला. जिल्हा क्रीडाधिकारी विजय शिंदे यांच्या हस्ते श्रीफळ वाढवून स्पर्धेचे उद्द्घाटन करण्यात आले.

Asian Games 2026 मध्ये साक्षी चौधरीचा श्रीगणेशा; ऑलिम्पिक कांस्यपदक विजेत्याचा 5-0 ने पराभव

यावेळी रत्नागिरी जिल्हा कुस्ती असोसिएशनचे सचिव सदानंद जोशी यांच्यासह असोसिएशनचे पदाधिकारी, जिल्ह्यातील विविध शाळांचे क्रीडा शिक्षक, विद्याथी-विद्यार्थिनी आणि पालक मोठ्या संख्येने उपस्थित होते. तालुकास्तरावर झालेल्या शालेय कुस्ती स्पर्धांमध्येही विद्याव्यांनी मोठ्या संख्येने सहभाग घेतला होता. त्यातून निवड झालेल्या मलांनी जिल्हास्तरीय स्पर्धेत आपले कौशल्य दाखविले.

प्रत्येक तालुक्यात आधुनिक मॅटची सुविधा
जिल्ह्यातील विद्यार्थ्यांना कुस्तीचा दर्जेदार सराव करता यावा, यासाठी पालकमंत्री उदय सामंत यांच्या माध्यमातून प्रत्येक तालुक्यासाठी आधुनिक कुस्ती मॅट उपलब्ध करून देण्यात आल्या आहेत. या सुविधेमुळे तालुकास्तरावर कुस्तीच्या सरावाला अधिक चांगले वातावरण निर्माण झाले आहे. नियमित सरावासाठी आवश्यक साधन उपलब्ध झाल्याने विद्याथ्यांचा या खेळाकडे वाढता कल दिसून येत आहे.

Sports News: मिशन लक्ष्यवेध अंतर्गत अमरावतीत कुस्तीसाठी विभागीय क्रीडा निपुणता केंद्र

रत्नागिरी जिल्हा क्रीडा संकुल येथे रविवारी, २७ सप्टेंबर रोजी झालेल्या जिल्हास्तरीय कुस्ती स्पर्धेत संगमेश्वर एज्युकेशन सोसायटी संचलित न्यू इंग्लिश हायस्कूल व ज्युनिअर कॉलेज, कसबा येथील विद्यार्थ्यांनी उल्लेखनीय कामगिरी केली. या यशामुळे विद्यालयाला सलग पाचव्या वर्षी कोल्हापूर विभागीय कुस्ती स्पर्धेत रत्नागिरी जिल्ह्याचे प्रतिनिधित्व करण्याचा मान मिळाला आहे. बारावी कला शाखेतील अलोक राजेंद्रकुमार पोमेंडकर याने ग्रीको-रोमन कुस्तीच्या १९ वर्षांखालील ७७ किलो कामगिरीमुळे त्याची कोल्हापूर विभागीय कुस्ती स्पर्धेसाठी निवड झाली आहे.