मंगळवार, 22 सप्टेंबर 2026
फोटो सौजन्य सोशल मिडिया
विसर्जन मिरवणूक मार्ग बंद :
शेटे चौक–शनिवार चौक–मोती चौक ते राधिका टॉकीज चौक, ऐक्य प्रेस कॉर्नर, बुधवार नाका आणि विसर्जन कृत्रिम तलाव या मार्गावर वाहतूक बंद ठेवण्यात येणार आहे.
प्रतापगंज पेठेतही निर्बंध : काटदरे मसाले दुकान ते डीसीसी बँक, मोती तळे या मार्गावर वाहनांना प्रवेश करता येणार नाही.
शाहूपुरीकडील मार्ग बंद :
शाहूपुरी पोलीस ठाणे ते बुधवार नाका या मार्गावर वाहतूक बंद राहणार आहे.
अवजड वाहनांना निर्बंध : समर्थ मंदिर ते चांदणी चौक आणि बोगदा–समर्थ मंदिर–शाहू चौक या मार्गांवर हलकी-अवजड वाहने तसेच एसटी बसच्या वाहतुकीवर निर्बंध असतील.
सज्जनगड व कासकडे जाणारी वाहने गोडोली नाका, शिवराज पेट्रोलपंप, खिंडवाडी, शेंद्रे-सोनगाव फाटा आणि बोगदा या मार्गाने वळविण्यात येणार आहेत. मोळाचा ओढा येथून सातारा शहरात येणारी वाहने महानुभाव मठ–करंजे–भूविकास बँक चौक मार्गे पुढे सोडण्यात येतील.
कास पुष्प पठारावर शनिवार-रविवारी एकेरी वाहतूक; 31 ऑक्टोबरपर्यंत …
विसर्जन मिरवणुकीच्या मार्गावर कोणत्याही प्रकारचे वाहन पार्क करता येणार नाही. मिरवणूक पाहण्यासाठी येणाऱ्या नागरिकांनी तालीम संघ मैदान, कोटेश्वर मैदान किंवा उपलब्ध पर्यायी पार्किंगच्या ठिकाणी वाहने लावावीत, असे पोलिसांनी स्पष्ट केले आहे.
रुग्णवाहिका, पोलीस आणि अग्निशमन दलाच्या वाहनांना हे वाहतूक निर्बंध लागू राहणार नाहीत.
१. २४ सप्टेंबर सकाळी १० नंतर शहरात येताना पर्यायी मार्गांचा वापर करावा.
२. विसर्जन मार्गावर वाहन पार्क करू नये.
.
३. मिरवणुकीच्या काळात शक्यतो सार्वजनिक वाहतूक किंवा पर्यायी मार्गांचा वापर करावा.
४. वाहतूक पोलिसांच्या सूचनांचे पालन करावे.
५. आपत्कालीन वाहनांना मार्ग मोकळा ठेवावा.
