फोटो सौजन्य सोशल मीडिया
नुकत्याच झालेल्या अपघातात प्रशांत बाबासो फरांदे यांचा मृत्यू झाल्याने या मार्गाच्या सुरक्षिततेचा प्रश्न पुन्हा ऐरणीवर आला आहे.
लिंब गावच्या हद्दीतील उड्डाण पुलावर चढताना आणि उतरताना वाहनांच्या वेगाचा अंदाज घेणे अनेकदा कठीण होते. पुणे-बेंगळुरू महामार्गावर वाहनांची सतत मोठी वर्दळ असते. त्यामुळे या ठिकाणी सुरक्षित वाहतुकीसाठी आवश्यक फलक आणि रिफ्लेक्टर लावण्याची मागणी होत आहे. वाहनचालकांना पुढील रस्त्याची स्थिती आणि चढ-उताराचा अंदाज वेळेत यावा, यासाठी योग्य दिशादर्शक व्यवस्था आवश्यक आहे.
लिंबखिंड ते आनेवाडी टोलनाका दरम्यानचा सेवा रस्ता खराब झाल्यामुळे अनेक दुचाकीस्वार महामार्गाचा वापर करत आहेत. परिणामी महामार्गावर चारचाकी आणि दुचाकी वाहनांची मोठी गर्दी होत असून, वेगाने धावणाऱ्या वाहनांमुळे अपघाताचा धोका वाढत आहे.
याच मार्गावर चारचाकी वाहनाच्या धडकेत दुचाकीवरून प्रवास करणारे प्रशांत बाबासो फरांदे यांचा जागीच मृत्यू झाल्याची घटना घडली. त्यामुळे सेवा रस्त्याची दुरुस्ती करण्याची मागणीही जोर धरत आहे.
‘विरोधकांना उत्तर द्यायला सह्याद्रीचे वाघ आहेत’; माजी मंत्री बाळासाहेब पाटील यांचे विधान
उड्डाण पुलावरील काही पथदिवे रात्रीच्या वेळी बंद असल्याने वाहनचालकांना अंधारात वाहने चालवताना मोठी कसरत करावी लागते. या ठिकाणी नियमित पाहणी करून रिफ्लेक्टर, सुरक्षा फलक आणि प्रकाशव्यवस्था कार्यरत ठेवणे आवश्यक आहे.
रस्ते सुरक्षा आणि वाहतूक विभागाने महामार्गाची नियमित तपासणी करून धोकादायक ठिकाणांवर तातडीने उपाययोजना करणे गरजेचे आहे. आनेवाडी टोलनाक्यावर वाहनचालकांकडून टोल वसूल केला जात असताना महामार्गावरील सुरक्षितता आणि मूलभूत सुविधांकडेही लक्ष देणे आवश्यक असल्याची भावना नागरिकांकडून व्यक्त होत आहे. त्याचबरोबर वाहनचालकांनीही या मार्गावर वेग मर्यादित ठेवून सुरक्षित प्रवासाला प्राधान्य देणे गरजेचे आहे.
.png "Videos"){kind=small}
