राज्यातील स्कूलबस मालक उद्यापासून जाणार संपावर; ‘या’ आहेत प्रमुख मागण्या…

शालेय वाहतुकीसंदर्भातील अनेक समस्यांकडे शासनाचे व वाहतूक खात्याचे दुर्लक्ष होत असल्याच्या निषेधार्थ शाळा 'बस ऑनर्स असोसिएशन'ने हा निर्णय घेतला आहे.

मुंबई : राज्यातील शाळा बस मालकांनी बुधवारपासून अनिश्चित काळासाठी संपावर जाण्याचा निर्णय घेतला आहे. शालेय वाहतुकीसंदर्भातील अनेक समस्यांकडे शासनाचे व वाहतूक खात्याचे दुर्लक्ष होत असल्याच्या निषेधार्थ शाळा ‘बस ऑनर्स असोसिएशन’ने हा निर्णय घेतला आहे. शासनाने जर आमच्या मागण्यांकडे गांभीर्याने लक्ष दिले नाही, तर 2 जुलैपासून आम्ही संपूर्ण राज्यभर शाळा बस सेवा बंद ठेवू’, अशी भूमिका त्यांनी घेतली.

आमच्या संघटनेची भूमिका सेवा थांबवण्याची नसली, तरी शाळा बस व्यवसायात निर्माण होणाऱ्या अडचणींमुळे आम्हाला हा निर्णय घ्यावा लागत असल्याचे शाळा बस ऑनर्स असोसिएशनने काढलेल्या पत्रकात म्हटले आहे. ई-चलनाद्वारे होणारी कारवाई थांबवण्याची मागणी केली. शालेय वाहतूक सेवेसंदर्भातील सर्व शिफारसी शाळा बस सेवेवर लागू केल्याची स्पष्टता देणारे ई-चालान त्वरित रद्द करावेत. सर्व मान्यताप्राप्त शाळा बस चालकांना ओळखपत्र देण्यात यावे.

याशिवाय, शाळा बस वाहनांवरील नियमांचे पालन करणाऱ्या वाहनांवर कोणताही अन्यायकारक दंड लादू नये. शासन, शाळा प्रशासन व शाळा बस संघटनांसह संयुक्त टास्क फोर्स स्थापन करावी. शाळेच्या विद्यार्थ्यांच्या सुरक्षिततेसाठी व शालेय वाहतुकीतील अडचणी सोडवण्यासाठी शासनाने तातडीने उपाययोजना कराव्यात, अशी मागणी संघटनेने केली आहे.

…तर संपूर्ण राज्यभर शाळा सेवा बंद ठेवणार

शासनाने जर आमच्या मागण्यांकडे गांभीर्याने लक्ष दिले नाही, तर आम्ही संपूर्ण राज्यभर शाळा बस सेवा बंद ठेवू. आमच्या संघटनेची भूमिका सेवा थांबवण्याची नसली, तरी शाळा बस व्यवसायात निर्माण होणाऱ्या अडचणींमुळे आम्हाला हा निर्णय घ्यावा लागत आहे.

– अनिल गर्ग, अध्यक्ष, स्कूल बस ऑनर्स असोसिएशन

यंदा शाळांना वर्षभरात 128 सुट्ट्या

शालेय शिक्षण विभागाने राज्यातील सर्व शाळांसाठी २०२५-२६ साठीचे सुट्ट्यांचे वेळापत्रक जाहीर केले असून, यंदा विद्यार्थ्यांना वर्षभरात एकूण १२८ दिवस सुट्ट्या मिळणार आहेत. यामध्ये ५२ रविवारशिवाय ७६ अधिकृत सुट्यांचा समावेश आहे. यामध्ये दिवाळीची १० दिवसांची (१६ ते २७ ऑक्टोबर) आणि उन्हाळ्याची ३८ दिवसांची (२ मे ते १३ जून) सुट्टी विशेष ठरणार आहे.