Nashik Accident: भरधाव वेगाने कार आली अन् थेट…; नाशिकमध्ये भीषण अपघात, 5 जणांचा मृत्यू

लग्नसमारंभ आटोपून एक कुटुंब परतत होते. लग्न समारंभ आटपून हे ही कुटुंब सटाणाला परत निघाले होते. दरम्यान कोल्हापूर फाट्याला गाडी आली असताना चालकाचा वाहनावरील ताबा सुटला.

नाशिकमध्ये भीषण अपघात (फोटो- सोशल मिडिया)

Follow Us:

Follow Us:

नाशिक: नाशिक जिल्ह्यातून एक मोठी बातमी समोर येत आहे. नाशिक कळवण येथे एक भीषण अपघात घडला आहे. भरधाव वेगात असलेली कार थेट बंगल्यात घुसल्याने 5 जणांचा मृत्यू झाला आहे. नाशिक कळवण महामार्गावर एक कार भरधाव वेगाने एका बंगल्यात घुसली. यामध्ये 5 जणांचा मृत्यू झाला आहे. तर दोन जण जखमी झाले आहेत.

लग्नसमारंभ आटोपून एक कुटुंब परतत होते. लग्न समारंभ आटपून हे ही कुटुंब सटाणाला परत निघाले होते. दरम्यान कोल्हापूर फाट्याला गाडी आली असताना चालकाचा वाहनावरील ताबा सुटला. त्यामुळे ही कार थेट एका बंगल्यात घुसली. बंगल्याच्या बाहेर असलेला सिमेंटचा खांब वाकवून ही कार बंगल्यात घुसली. यावरून हा अपघात किती भीषण असेल हे दिसून येते.

या भीषण अपघातामध्ये चालकासह पाच जण ठार झाले आहेत. तर दोघे जण जखमी झाले आहेत. जखमींवर कळवण येथील रूग्णालयात उपचार सुरू करण्यात आले. त्यानंतर त्यांना नाशिक जिल्हा रुग्णालयात हलवण्यात आले आहे.

मध्यप्रदेशमध्ये भीषण अपघात

मध्यप्रदेशमध्ये एक मोठा अपघात घडला आहे. झाबुआ जिल्ह्यात एक ट्रेलर एका गादीवर पलटला आहे. लग्न सोहळ्यातून परतणाऱ्या गाडीवर एक ट्रेलर पलटी झाला आहे. या दुर्घटनेत ९ जणांचा मृत्यू झाला आहे. समोर आलेल्या माहितीनुसार, या घटनेत ज्यांचा मृत्यू झाला आहे, ते एकाच कुटुंबातील सदस्य असल्याचे समजते आहे.

झाबुआ जिल्ह्यातील मेघनार पोलीस ठाण्याच्या क्षेत्रातील भरधाव वेगाने येणार ट्रेलर गादीवर येऊन पलटी झाला. यामध्ये एकाच कुटुंबातील 9 जणांचा मृत्यू झाला आहे. मृत पावलेल्या व्यक्तीमध्ये दोन पुरुष, तीन महिला आणि चार लहान मुलांचा समावेश आहे. या अपघातामध्ये गाडीचे देखील प्रचंड मोठे नुकसान झाले आहे.

झाबुआ जिल्ह्यात हीं घटना घडल्याचे समजताच पोलीस घटनास्थळी दाखल झाले. रूग्णवाहिका आल्यानंतर तेथील मृतदेह बाहेर काढण्यात आले. या घटनेत दोन मुले जखमी झाले. त्यांना उपचारांसाठी जवळच्या रुग्णालयात दाखल करण्यात आले. घटना ज्या गावाजवळ घडली, त्या गावातील नागरिक देखील मदतीसाठी घटनास्थळी दाखलझाले. त्यांनी या घटनेची माहिती पोलिसांना दिली.

Web Title: Speedy car hit and enter the bunglow 5 peoples loss their lofe nashik accident news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com