एसटी कर्मचाऱ्यांना बाप्पा पावणार, या महिन्याचा पगार आधीच मिळण्याची शक्यता (फोटो सौजन्य-X)
ST Employees Salary News in Marathi : यंदा एसटी कर्मचाऱ्यांना गणपती बाप्पा पावला आहे. कारण गणेशोत्सवामुळे ऑगस्ट महिन्याचा पगार गणपती बाप्पाच्या आगमनाआधीच मिळण्याची शक्यता आहे. यासंदर्भात परिवहन मंत्री प्रताप सरनाईक यांनी पावले उचलली आहेत. यावेळी सरनाईक यांनी संबंधित अधिकाऱ्यांना एसटी कर्मचाऱ्यांना लवकर पगार देण्याच्या सूचना दिल्या आहेत. मिळालेल्या माहितीनुसार, सरनाईक यांनी परिवहन विभागाच्या अधिकाऱ्यांना एसटी कर्मचाऱ्यांच्या पगाराची फाईल अर्थ मंत्रालयाकडे सादर करण्याचे आदेश दिले आहेत. एसटी कर्मचाऱ्यांचे पगार चार ते पाच दिवस आधीच मिळू शकतात असे सांगितले जात आहे.
गणेशोत्सवाच्या पार्श्वभूमीवर महाराष्ट्र राज्य मार्ग परिवहन महामंडळ (MSRTC) कर्मचाऱ्यांचे पगार सोमवार किंवा मंगळवारी जमा केले जातील. संसदेच्या काळात कर्मचाऱ्यांना आर्थिक दिलासा देण्याचा निर्णय परिवहन मंत्रालयाने घेतला आहे. यामुळे राज्यातील हजारो एसटी कर्मचाऱ्यांना त्यांचे पगार वेळेवर मिळतील. याशिवाय, राज्य सरकारने राज्यातील सर्व सरकारी कर्मचाऱ्यांचे पगार गणेशोत्सवापूर्वी जमा करण्याचा निर्णय घेतला आहे. या निर्णयामुळे कर्मचाऱ्यांना आणि त्यांच्या कुटुंबियांना गणेशोत्सव साजरा करण्यासाठी आर्थिक मदत मिळेल. यासोबतच, प्रवाशांना सणाच्या काळात अखंड बस सेवा मिळण्यास मदत होईल अशी अपेक्षा आहे.
दरम्यान, गेल्या काही महिन्यांपासून एस.टी. कर्मचाऱ्यांना त्यांचे पगार वेळेवर मिळू शकले नाहीत. त्यामुळे त्यांचा असंतोष वाढत होता. विशेषतः सणासुदीच्या काळात खर्च वाढल्याने कर्मचारी सातत्याने वेळेवर पगाराची मागणी करतात. प्रतिबंधात्मक उपाय म्हणून परिवहन मंत्री प्रताप सरनाईक यांनी गणपती सणापूर्वीच पुढील महिन्याचा पगार देण्याच्या सूचना दिल्या आहेत, ज्यामुळे राज्य सरकारी कर्मचाऱ्यांप्रमाणे एस.टी. कर्मचाऱ्यांनाही दिलासा मिळण्याची शक्यता आहे.
सूत्रांकडून मिळालेल्या माहितीनुसार,जर सोमवारपर्यंत वित्त विभागाने निधी मंजूर झाला तर एसटी कर्मचाऱ्यांना सोमवार (२५ ऑगस्ट) किंवा मंगळवारी (२६ ऑगस्ट) पगार मिळण्याची शक्यता आहे. असे झाल्यास यंदा अनेक महिन्यांनंतर पहिल्यांदाच एसटी कर्मचाऱ्यांना वेळेत आणि सणाच्या आधी पगार मिळणार आहे.
गेल्या काही महिन्यांपासून एस.टी. कर्मचाऱ्यांना नियमित वेतन मिळण्यात अडचणी येत होत्या. महिन्याच्या शेवटी किंवा पुढील महिन्यात पगार होत असल्याने कर्मचाऱ्यांमध्ये अनेकदा नाराजी होती. सणसुदीच्या काळात, जास्त खर्चामुळे, वेळेवर पगार देण्याची मागणी कर्मचाऱ्यांकडून सातत्याने केली जात होती. त्याचप्रमाणे, राज्य सरकारी कर्मचाऱ्यांप्रमाणे, एस.टी. कर्मचाऱ्यांनाही पुढील महिन्याचा अर्धा पगार मिळेल, असे परिवहन मंत्री प्रताप सरनाईक यांनी यासाठी आदेश दिले आहेत. त्यामुळे एस.टी. कर्मचाऱ्यांना त्यांचे वेतन आगाऊ दिल्यास दिलासा मिळेल.
.png "Videos"){kind=small}
