बुलढाणा येथे राज्यस्तरीय शालेय शुटिंगबॉल स्पर्धांचे आयोजन! जिल्हा क्रीडा संकुलात पार पडणार

दरम्यान, राज्यस्तरीय स्पर्धा आयोजित करण्यात आल्यामुळे सोमवार व मंगळवार या दोन दिवसांत जिल्हा क्रीडा संकुलातील मैदाने सैन्य व पोलिस भरती सरावासाठी तात्पुरती बंद ठेवण्यात येणार आहेत, अशी माहिती प्रशासनाकडून देण्यात आली आहे. त्यामुळे सरावासाठी येणाऱ्या उमेदवारांनी याची नोंद घ्यावी, असे आवाहन करण्यात आले आहे. स्पर्धेच्या यशस्वी आयोजनासाठी जिल्हा क्रीडा अधिकारी कार्यालयाकडून सर्वतोपरी तयारी करण्यात आली आहे. मुलींच्या संघांसाठी जिल्हा क्रीडा संकुलातील नवीन इमारतीत, तर मुलांच्या संघांसाठी जुन्या इमारतीत निवासाची सोय करण्यात आली आहे. तसेच सर्व खेळाडू, अधिकारी व कर्मचाऱ्यांसाठी भोजन व्यवस्था देखील क्रीडा संकुल परिसरातच करण्यात आली आहे.

बुलढाण्यात आज पहिले विद्यार्थी पक्षी संमेलन! चिमण्यांसाठी पाणी व दाण्याची व्यवस्था

जिल्हा क्रीडा संकुलात शुटिंगबॉलचे दोन अद्ययावत मैदाने तयार करण्याचे काम अंतिम टप्प्यात असून, स्पर्धा सुरळीत पार पडाव्यात यासाठी सर्व सुविधा उपलब्ध करून देण्यात आल्या आहेत. आयोजनासाठी स्वतंत्र समित्या गठीत करण्यात आल्या असून, त्यामध्ये आयोजन समिती, तक्रार निवारण समिती, उद्घाटन समिती, तांत्रिक समिती, मैदान व्यवस्था, निवास, भोजन, वैद्यकीय, प्रसिद्धी व स्वच्छता समित्यांचा समावेश आहे. या सर्व समित्या सक्रियपणे काम करत आहेत. निवास व्यवस्था, मैदानाची सज्जता आणि संकुल परिसराची स्वच्छता पूर्ण करण्यात आली असून, निमंत्रण पत्रिका, प्रमाणपत्रे, भोजन पासेस व इतर आवश्यक दस्तऐवजांचे काम अंतिम टप्प्यात आहे. या राज्यस्तरीय शालेय शुटिंगबॉल स्पर्धांचा आनंद घेण्यासाठी जिल्ह्यातील क्रीडाप्रेमींनी मोठ्या संख्येने उपस्थित राहावे, तसेच स्थानिक शाळांतील विद्यार्थ्यांनीही स्पर्धा पाहण्यासाठी नियोजन करावे, असे आवाहन जिल्हा क्रीडा अधिकारी बी. एस. महानकर यांनी केले आहे.