एकीकडे सत्तेच्या वळचणीला जाण्याची स्पर्धा लागलेली असतानाच निष्ठा आणि विचारधारा या तत्त्वांना महत्व देत असल्याचे सांगत भाजपचे ठाणे सरचिटणीस सोहेल जुल्फीकार, कौसा ब्लॉक सरचिटणीस अश्रफ मुकादम, मुंब्रा – कळवा विधानसभा सरचिटणीस कनिझ फातिमा, कौसा ब्लॉक उपाध्यक्ष हाजरा कुरेशी, कौसा ब्लॉक उपाध्यक्ष फरत खान, कौसा ब्लॉक उपाध्यक्ष दानिश शम्सी, कौसा ब्लॉक उपाध्यक्ष खालिद शेख, कौसा ब्लॉक उपाध्यक्ष अफरत सारंग, अफझल शेख, शाहीद पटेल, हमीद सय्यद, अफनान गझाली, रियान गझाली, शहाबाज खान, मोहम्मद नूर शेख या प्रमुख कार्यकर्त्यांसह शेकडो भाजप कार्यकर्त्यांनी राष्ट्रवादी काँग्रेस-शरदचंद्र पवार पक्षात प्रवेश केला. या सर्वांना डाॅ.जितेंद्र आव्हाड यांनी पक्षात प्रवेश दिला.
सध्या देशात द्वेषाचे बीज रोवले जात आहे. अशात खऱ्याअर्थाने समतावादी विचारांची पेरणी डाॅ.जितेंद्र आव्हाड हे करीत आहेत. दलित, शोषित, अल्पसंख्याक समाजाच्या हितासाठी डाॅ.जितेंद्र आव्हाड हे लढत असल्यानेच भाजपमधील कार्यकर्त्यांनी आज राष्ट्रवादी काँग्रेस-शरदचंद्र पवार पक्षात प्रवेश केला आहे. यापुढे सेक्युलर विचारधारेवर विश्वास ठेवणारे हजारो लोक राष्ट्रवादी काँग्रेस-शरदचंद्र पवार पक्षात प्रवेश करणार आहेत, असे मुंब्रा – कळवा विधानसभाध्यक्ष शमीम खान यांनी सांगितले. या प्रसंगी अल्पसंख्यांक सेलचे ठाणे जिल्हाध्यक्ष मुफ्ती मुश्रीफ, जावेद मेडिकल, शोएब खान, रेहान पितलवाला, इमरान सुरमे कमरुल हुदा शेख, इनायत बैंग, साजिद अंसारी, इम्तियाज खान, युनूस इकबाल शेख, जफर सय्यद, जावेद सिद्धिकी श्रीम. नूर अहमदी चौधरी, बबलू शेमना, जावेद शेख, गणेश मुंढे आदी उपस्थित होते.
.png "Videos"){kind=small}
