अनाधिकृत विक्रेत्यांना वाहन पुरविणाऱ्या विक्रेत्यांचे ' ट्रेड प्रमाणपत्र ' रद्द, परिवहन विभागाचा निर्णय… (फोटो सौजन्य-X)
मुंबई: राज्यभरातील अनाधिकृत विक्रेत्यांना (मल्टी ब्रँड आउटलेट) विक्रीसाठी वाहन पुरवणाऱ्या अधिकृत वाहन विक्रेत्यांचे ‘ ट्रेड प्रमाणपत्र ‘ रद्द करण्याचे निर्देश परिवहन मंत्री प्रताप सरनाईक यांनी परिवहन आयुक्तांना दिले.ऑटोमोबाईल डीलर्स फेडरेशनच्या बैठकीमध्ये बोलत होते. या बैठकीला परिवहन आयुक्त विवेक भीमनवार, सह सचिव (परिवहन) राजेंद्र होळकर, ऑटोमोबाईल डीलर्स फेडरेशनचे अध्यक्ष सचिन महाजन यांच्या सह राज्यभरातील इतर पदाधिकारी उपस्थित होते.
‘ मल्टी ब्रँड आउटलेट ‘(MBO) सारख्या अनधिकृत वाहन विक्रेत्यांची राज्यभरात प्रचंड साखळी निर्माण झालेली आहे. राज्य शासनाला कोणत्याही प्रकारचा महसूल न देता हे अनाधिकृत वाहन विक्री करीत असतात. राज्यात इतर विभागातून तसेच परराज्यातून नवीन वाहने आणून ‘ ट्रेड प्रमाणपत्र ‘ नसताना अनाधिकृतरित्या वाहन विक्री करतात . भविष्यात अशा अनाधिकृत विक्रेत्यांना वाहन पुरविणाऱ्या अधिकृत वाहने विक्रेत्यांचे ट्रेड प्रमाणपत्र रद्द करण्यात यावेत. असे निर्देश परिवहन मंत्री प्रताप सरनाईक यांनी परिवहन आयुक्तांना दिले. या बैठकीमध्ये ॲटोमोबाईल डीलर्स फेडरेशनच्या विविध मागण्यांच्या वर चर्चा झाली. यावेळी बोलताना मंत्री सरनाईक म्हणाले की कायद्याच्या कक्षेत राहून व्यवसाय करणाऱ्या विक्रेत्यांच्या पाठीशी शासन ठामपणे उभे राहिले!
परिवहन मंत्री प्रताप सरनाईक यांनी ॲटोमोबाईल डीलर्स फेडरेशने त्यांच्या CSR फंडातून राज्यभरातील महत्वाच्या एसटी बसस्थानकावर स्तनदा मातांसाठी प्रसाधनगृहाच्या सोयीसह ‘ हिरकणी कक्ष ‘ उभे करावेत, असे आवाहन केले. त्याला सकारात्मक प्रतिसाद देत ॲटोमोबाईल डीलर्स फेडरेशने पहिल्या टप्प्यात ५१ बसस्थानकावर ‘ हिरकणी कक्ष ‘ उभारुन देण्याची ग्वाही दिली.
ट्रेड प्रमाणपत्र (Trade Certificate) हे एक अधिकृत परवाना किंवा प्रमाणपत्र आहे, जे विविध संदर्भांमध्ये वापरले जाते. सामान्यतः, हे आरटीओ (RTO) द्वारे वाहन डीलरला नोंदणी न करता वाहने चालविण्याची आणि प्रदर्शित करण्याची परवानगी देते. याशिवाय, व्यवसायाच्या संदर्भात, हा एक व्यापार परवाना असू शकतो, जो स्थानिक प्राधिकरणाने विशिष्ट परिसरात व्यवसाय करण्यास परवानगी देतो.
आरटीओ ट्रेड प्रमाणपत्र
वाहन डीलरसाठी: हे प्रमाणन आरटीओद्वारे जारी केले जाते आणि डीलर्सना नोंदणी न केलेल्या वाहनांची विक्री किंवा प्रदर्शन करण्याची कायदेशीर परवानगी देते.
वापर: डीलर्सना प्रत्येक वाहनाची स्वतंत्रपणे नोंदणी न करता व्यवसायासाठी वाहने साठवणे, प्रदर्शित करणे आणि चालवणे शक्य होते.
कालावधी: साधारणपणे हे एका वर्षासाठी जारी केले जाते.
.png "Videos"){kind=small}
