वाशिमच्या रिसोड तालुक्यात दुचाकींची समोरासमोर धडक; एकाचा मृत्यू तर दोघे जखमी

चाकोलीजवळ अमोल घोडके यांची भरधाव दुचाकीची धडक समोरून येत असलेल्या शेख अहमद यांच्या दुचाकीला धडकली. या दोन्ही दुचाकींच अक्षरश: चुराडा झाला. या घटनेमध्ये अमोल घोडके याचा घटनास्थळीच मृत्य झाला.

वाशिम : रिसोड तालुक्यातील चाकोलीजवळ दोन दुचाकींची समोरासमोर धडक होऊन अपघात झाला. या झालेल्या अपघातात एक जागीच ठार तर दोघेजण जखमी झाले. रिसोड लोणार मार्गावर चाकोलीजवळ शुक्रवारी (दि. 14) सकाळी 10:15 वाजताच्या सुमारास ही घटना घडली.

हिंगोली जिल्ह्यातील अमोल तुकाराम घोडके (32, रा. ईडोळी, ता. जी. हिंगोली) असे मृताचे नाव असून, जखमींमध्ये एक 12 वर्षीय मुलीचा समावेश आहे. माहितीनुसार, हिंगोली जिल्ह्यातील ईडोळी येथील अमोल घोडके हे एमएच 15/ जीएच-0060 क्रमांकाच्या दुचाकीने लोणारच्या दिशेने आपल्या काही नातेवाईकांना भेटण्याकरिता जात होते. तर बुलढाणा जिल्ह्यातील लोणार येथील शेख अहमद शेख मोईन (35) हे एमएच 29/बीए- 5932 क्रमांकाच्या दुचाकीने आलिया परवीन शेख तोफिक (12) हिला घेऊन रिसोडच्या दिशेने येत होते.

दरम्यान, चाकोलीजवळ अमोल घोडके यांची भरधाव दुचाकीची धडक समोरून येत असलेल्या शेख अहमद यांच्या दुचाकीला धडकली. या दोन्ही दुचाकींच अक्षरश: चुराडा झाला. या घटनेमध्ये अमोल घोडके याचा घटनास्थळीच मृत्य झाला. तर घटनेतील दोन्ही जखमींन प्रथम उपचारानंतर पुढील उपचाराकरित रिसोड ग्रामीण रुग्णालयात हलविण्यात आले.

याबाबतची माहिती रिसोड पोलिसांना मिळताच पोलिस उपनिरीक्षक वसंत तहकीक, सुनील तिवाले, चालक प्रभाकर इंगोले, माधव इरतकर, होमगाड बांगरे यांनी घटनास्थळ धाव घेऊन पाहणी केली. तत्पूर्वी जखमींना रिसोड येथील ग्रामीण रुग्णालयात भरती करण्यात आले. मृतक अॅम्बुलन्सच्या माध्यमातून रिसोड येथील ग्रामीण रुग्णालयात दाखल करण्यात आले.

सोलापुरातही अपघात

हैदराबाद रोडवरील कृषी संशोधन केंद्रालगत गॅरेजमध्ये थेट बल्कर घुसल्याने तीन जण ठार, तर चौघे गंभीर जखमी झाले. शनिवारी (दि.15)  सायंकाळी 6.15 च्या सुमारास हा भीषण अपघात झाला. या अपघातात हैदराबाद रोडकडे जाणाऱ्या आणि सोलापूरकडे येणाऱ्या दोन दुचाकींचा चक्काचूर होऊन दोघे जागीच ठार झाले, तर एक जण शासकीय रुग्णालयात उपचार करण्यापूर्वीच मृत्यू झाला.