टोलप्रश्नी आज तोडगा निघणार? बैठक आणि त्यानंतर पत्रकार परिषद; राज ठाकरेंच्या निर्णयाकडे सर्वांचे लक्ष…

ठाणे पासिंगच्या वाहनांना टोल माफ करण्यासंदर्भात लवकरच निर्णय होण्याची शक्यता या बैठकीतून समोर आली आहे. यानंतर टोलबाबत तोडगा निघण्याची शक्यता आहे. कारण आज याप्रश्नी सकाळी बैठक आणि यानंतर पत्रकार परिषद होणार आहे.

मुंबई : राज्यातील टोलप्रश्न पुन्हा एकदा पेटण्याची शक्यता आहे. काल (गुरुवारी) मनसे अध्यक्ष राज ठाकरे (Raj Thackeray) यांनी याप्रश्नी मुख्यमंत्री एकनाथ शिंदे यांची घेतली. सह्याद्री अतिथीगृहावर ही बैठक झाली. ठाणे पासिंगच्या वाहनांना टोल माफ करण्यासंदर्भात लवकरच निर्णय होण्याची शक्यता या बैठकीतून समोर आली आहे. यानंतर टोलबाबत तोडगा निघण्याची शक्यता आहे. कारण आज याप्रश्नी सकाळी बैठक आणि यानंतर पत्रकार परिषद होणार आहे. (will the toll issue be resolved today meeting followed by a press conference all eyes on raj thackeray decision)

पीसीनंतर राज ठाकरे भूमिका मांडणार?

दरम्यान, काल राज ठाकरेंनी मुख्यमंत्र्यांची भेट घेतल्यानंतर माध्यमांशी संवाद साधला. ‘मी तुम्हाला एकच वाक्य सांगतो. मुख्यमंत्री एकनाथ शिंदे आणि यांच्यासोबत सकारात्मक चर्चा झाली. आज (शुक्रवारी) सकाळी 8 वाजता माझ्या घरी सरकारचे प्रतिनिधी व आमच्यात बैठक होईल. यानंतर या बैठकीतील निर्णयाविषयी 10 वाजता पत्रकार परिषद असेल, या पत्रकार परिषदेत मी बैठीकीत काय निर्णय झाला. हे सांगेन’, असे राज ठाकरे म्हणाले. दरम्यान, राज ठाकरे टोलबाबत कोणती भूमिका व निर्णय घेतात, याकडे सर्वाचे लक्ष लागले आहे.