धाराशिव : धाराशिव जिल्ह्यातील धनगर समाजाच्यावतीने आरक्षणासाठी मेंढरांसह जिल्हािधकारी कार्यालयावर माेर्चा काढण्यात आला. एसटी आरक्षण अंमलबजावणी करून प्रमाणपत्र वाटप करण्यात यावे, या मागणीसाठी हा मोर्चा काढण्यात आला. लेडीज क्लब येथून मोर्चाची सुरूवात झाली. संत गाडगेबाबा चौक, डॉ. बाबासाहेब आंबेडकर चौक, छत्रपती शिवाजी महाराज चौक, लहुजी वस्ताद साळवे चौक आणि जिल्हाधिकारी कार्यालयावर मोर्चा धडकला. धनगर समाजातील अहिल्या देवींच्या वारसा असलेल्या मुलींच्या हस्ते जिल्हाधिकाऱ्यांना निवेदन देण्यात आले. या मोर्चासाठी धाराशिव जिल्ह्यातील धनगर समाज बांधव हजारोंच्या संख्येने उपस्थित होते. जिल्हाधिकारी कार्यालयासमोर यावेळी धनगर समाजातील अनेक वक्त्यांनी आपल्या भावना व्यक्त केल्या.
रोषाला सामोरे जाण्याची तयारी ठेवावी
मेंढरे, धनगरी ढोल, भंडाऱ्याची उधळण करत मोर्चाची सुरवात करण्यात आली. धनगर समाजाला आरक्षण द्यावे, अशी घोषणाबाजी करत मोर्चा काढण्यात आला. आरक्षणाचा मुद्दा निकालात काढावा, अन्यथा धनगर समाजाच्या रोषाला सामोरे जाण्याची तयारी ठेवावी, असा इशारा धनगर समाजाच्यावतीने देण्यात आला.
.png "Videos"){kind=small}
