झम झम परफ्यूमर्सचे महाराष्ट्रात पदार्पण; मुंबईतील मुंब्रा येथे पहिले स्टोअर सुरू

मुंब्रा येथे झम झम परफ्यूमर्सने महाराष्ट्रातील पहिले रिटेल स्टोअर सुरू केले आहे. ऊद, गुलाब, अंबर, मस्कसह विविध श्रेणींसह कंपनीच्या प्रीमियम ‘एलिशियन कलेक्शन’मधील खास अत्तरांचाही समावेश येथे करण्यात आला आहे.

• विविध श्रेणींसह कंपनीच्या प्रीमियम ‘एलिशियन कलेक्शन’मधील खास अत्तरांचाही समावेश येथे करण्यात आला आहे.
• पारंपरिक अत्तरनिर्मितीची ओळख करून घेण्याची सुविधा उपलब्ध करून देण्यात आली आहे.
• कंपनी आपला प्रीमियम पोर्टफोलिओ अधिक मजबूत करण्यावर भर देत आहे.

पारंपरिक नॉन-अल्कोहोलिक अत्तरांसाठी देशभरात ओळखल्या जाणाऱ्या झम झम परफ्यूमर्सने महाराष्ट्रातील आपल्या विस्ताराची सुरुवात करत मुंबईतील मुंब्रा येथे पहिले रिटेल स्टोअर सुरू केले आहे. १९९१ पासून सुगंधनिर्मितीची परंपरा जपणाऱ्या या ब्रँडसाठी मुंबईतील हे उद्घाटन महत्त्वाचे पाऊल मानले जात आहे. मुंब्र्यातील अली चेंबर येथे सुरू करण्यात आलेल्या या स्टोअरमध्ये ग्राहकांना १५० हून अधिक प्रकारचे सुगंध अनुभवता येणार आहेत. ऊद, गुलाब, अंबर, मस्क, फ्लोरल, फ्रूटी, सिट्रस आणि ओरिएंटल अशा विविध श्रेणींसह कंपनीच्या प्रीमियम ‘एलिशियन कलेक्शन’मधील खास अत्तरांचाही समावेश येथे करण्यात आला आहे.

‘माहितीचा अधिकार हिरावून घेण्याचा प्रयत्न’; RTI नियम 2026 रद्द करण्याची हर्षवर्धन सपकाळ यांची मागणी

कंपनीच्या माहितीनुसार, मुंबईतील अनेक ग्राहक गेल्या काही वर्षांपासून ऑनलाइन माध्यमातून त्यांच्या उत्पादनांची खरेदी करत होते. याच वाढत्या प्रतिसादाच्या पार्श्वभूमीवर शहरात प्रत्यक्ष स्टोअर सुरू करण्याचा निर्णय घेण्यात आला. येथे ग्राहकांना मार्गदर्शित पद्धतीने विविध सुगंधांचा अनुभव घेण्याची आणि पारंपरिक अत्तरनिर्मितीची ओळख करून घेण्याची सुविधा उपलब्ध करून देण्यात आली आहे.

यावेळी रिटेल हेड मोहम्मद उमर सलमान खारोडिया यांनी सांगितले की, मुंबईतील पहिले स्टोअर हे कंपनीच्या विस्तार धोरणातील महत्त्वाचे पाऊल आहे. ग्राहकांनी ऑनलाइन माध्यमातून दाखवलेल्या विश्वासामुळेच हा निर्णय शक्य झाला असून, भविष्यात महाराष्ट्रासह इतर शहरांमध्येही उपस्थिती वाढवण्याचा कंपनीचा मानस आहे.

सध्या नॉन-अल्कोहोलिक अत्तरांना आणि पारंपरिक सुगंधांना ग्राहकांकडून वाढती पसंती मिळत आहे. विशेषतः तरुण वर्गात ऊद-आधारित आणि वैयक्तिक अनुभव देणाऱ्या सुगंधांची मागणी वाढत असल्याचे दिसून येत असून, त्यानुसार कंपनी आपला प्रीमियम पोर्टफोलिओ अधिक मजबूत करण्यावर भर देत आहे.

Shaktipeeth Highway : शक्तीपीठ महामार्गाविरोधात शेतकऱ्यांचा एल्गार; खानापूर, कडेगाव आणि पलूसमध्ये सलग तीन दिवस मोर्चे

मुंबईतील या स्टोअरनंतर झम झम परफ्यूमर्सने देशातील इतर प्रमुख बाजारपेठांमध्ये विस्ताराची तयारी सुरू केली असून, डिजिटल माध्यमातून अधिकाधिक ग्राहकांपर्यंत पोहोचण्यावरही कंपनीचे लक्ष केंद्रित आहे.