A.P.J. Abdul Kalam Biopic: ‘मिसाईल मॅन’ची संघर्षयात्रा रुपेरी पडद्यावर येणार, एपीजे अब्दुल कलामांच्या बायोपिकची घोषणा

देशाचे माजी राष्ट्रपती एपीजे अब्दुल कलाम यांची अवघ्या देशात मिसाईल मॅन म्हणून ओळख आहे. याच मिसाईल मॅनच्या जीवनावर आधारित लवकरच प्रेक्षकांच्या भेटीला नवीन चित्रपट येतोय.

देशाचे माजी राष्ट्रपती एपीजे अब्दुल कलाम यांची अवघ्या देशात मिसाईल मॅन म्हणून ओळख आहे. याच मिसाईल मॅनच्या जीवनावर आधारित लवकरच प्रेक्षकांच्या भेटीला नवीन चित्रपट येतोय. डॉ. एपीजे अब्दुल कलाम यांचं संपूर्ण नाव, अबुल पाकिर जैनुला अब्दुल कलाम असं आहे. अशा महान विचारवंताचे, लेखकाचे, शास्त्रज्ञाचे आणि राष्ट्रपतींचे जीवन आता प्रेक्षकांना रुपेरी पडद्यावर पाहता येणार आहे. निर्माता अभिषेक अग्रवाल यांच्या वाढदिवसानिमित्त डॉ. ए.पी.जे. अब्दुल कलाम यांच्या जीवनावर आधारित बहुप्रतिक्षित बायोपिकचा नवीन पोस्टर प्रदर्शित केला आहे. अद्याप अधिकृत तारीख जाहीर झाली नसली तरी हा बायोपीक लवकरच प्रेक्षकांच्या भेटीला येणार आहे.

हेल्दी कसे राहावे? ‘पारू’ने दिला सल्ला; नक्की वाचा

अद्याप चित्रपटाच्या नावाचा खुलासा करण्यात आलेला नाही. या चित्रपटातून प्रेक्षकांना डॉ. कलाम यांची असाधारण जीवनयात्रा मोठ्या पडद्यावर अनुभवता येणार आहे. चित्रपटामध्ये प्रेक्षकांना रामेश्वरम, तमिळनाडू येथून राष्ट्रपती भवनापर्यंत, भारताचे ११वे राष्ट्रपती बनण्यापर्यंतचा त्यांचा प्रेरणादायी प्रवास पाहता येणार आहे. अभिषेक अग्रवाल आणि ए.के. एंटरटेनमेंट्स निर्मित हा चित्रपट ए.पी.जे. अब्दुल कलाम इंटरनॅशनल फाउंडेशनच्या घनिष्ठ सहकार्याने तयार केला जात आहे, जेणेकरून भारताच्या या प्रिय आणि सन्माननीय व्यक्तिमत्वाचे चित्रण प्रामाणिकपणे आणि सन्मानाने करता येईल.

 

See more

हल्ला झाल्यानंतर करीना कपूर सैफ अली खानला काय म्हणाली ? चार्जशीटमध्ये धक्कादायक खुलासा

२०२५ मध्ये प्रदर्शित होणाऱ्या या चित्रपटामध्ये ‘जनतेचे राष्ट्रपती’ म्हणून ओळखले जाणारे डॉ. कलाम यांची शिकवण, त्यांची विनम्रता आणि देशसेवेची भावना – हे सर्व हृदयाला स्पर्श करणाऱ्या आणि आत्म्याशी जोडणाऱ्या पद्धतीने दाखवण्याचे आश्वासन देण्यात आले आहे. प्रदर्शित करण्यात आलेले नवीन पोस्टर या प्रेरणादायी कथानकाच्या आत्म्याची झलक देते — डॉ. कलाम यांच्या चिकाटीला, नवकल्पनांना आणि देशभक्तीच्या भावनेला समर्पित एक दृश्यात्मक श्रद्धांजली आहे.