सूरज चव्हाणच्या नव्या घराच्या बांधकामाला सुरुवात; व्हिडिओतून दाखवली पहिली झलक

'बिग बॉस'च्या घरात सूरज ७० दिवस कमालीचा चर्चेत राहिला. बिग बॉस मराठीच्या ट्रॉफीवर नाव कोरल्यानंतर सूरजने त्याच्या गावात स्वत:चं घर बांधण्याची इच्छा व्यक्त केली होती. आता त्याच्या नव्या घराच्या बांधकामाला सुरूवात झालीये.

गेल्या काही दिवसांपूर्वी झालेल्या ‘बिग बॉस मराठी’च्या पाचव्या सीझनमध्ये प्रसिद्ध सोशल मीडिया इन्फ्लुएंसर सूरज चव्हाणचं नाव घराघरांत लोकप्रिय झालं. ‘झापुक झुपूक’ अंदाजात या ‘गुलीगत किंग’ने ‘बिग बॉस’ च्या झगमगत्या ट्रॉफीवर आपलं नाव कोरलं. ‘बिग बॉस’च्या घरात असताना सूरज ७० दिवस कमालीचा चर्चेत राहिला होता. बिग बॉस मराठीच्या ट्रॉफीवर आपलं नाव कोरल्यानंतर सूरजने त्याच्या गावात स्वत:चं घर बांधण्याची इच्छा व्यक्त केली होती. या घराला ‘बिग बॉस’ असं नाव देणार असल्याचंही तो म्हणाला होता.

“अलविदा सरदार !” अभिनेता किरण मानेंची डॉ. मनमोहन सिंहसाठी खान भावनिक पोस्ट चर्चेत

काही तासांपूर्वीच सूरजने इन्स्टाग्रामवर एक व्हिडिओ शेअर केला होता. या शेअर केलेल्या व्हिडिओमध्ये सूरजच्या घराचं बांधकाम जोरदार पद्धतीने सुरु असल्याचं पाहायला मिळत आहे. या व्हिडिओच्या माध्यमातून आपल्याला सूरजच्या नव्या घराची झलक पाहायला मिळत आहे. शेअर केलेल्या व्हिडिओमध्ये सूरज स्वत: त्याचं हे नवीन घर बांधताना दिसत आहे. शिवाय, तो स्वत: त्याच्या घराच्या बांधकामाला पाणी देताना दिसत आहे. “माझं घर… लवकरच ‘बिग बॉस’चा बंगला”, असं कॅप्शन सूरजने या व्हिडिओला दिलं आहे. पण आता लवकरच, सूरजच्या स्वत:च्या घराची इच्छा पूर्ण होणार, हे नक्की…

 

See more

बिग बॉसच्या घरामध्ये येण्यापूर्वी सूरज चव्हाणच्या घरची आणि त्याच्या कुटुंबीयांची परिस्थिती फारच हालाखीची होती. सूरज लहान असतानाच त्याच्यावरील आई-वडिलांचं छत्र हरपलं. आई- वडिलांच्या निधनानंतर सूरजचा सांभाळ त्याच्या बहि‍णींनी केला. कोरोनाकाळात टिक टॉक आणि त्यानंतर इन्स्टाग्राम रिल्समुळे सूरज घराघरांत फेमस झाला. खरंतर, ‘बिग बॉस’मुळेच सूरजच्या करियरला कलाटणी मिळाली आहे. ग्रँड फिनालेच्या वेळी सूरजने गावी जाऊन सर्वात आधी आपलं हक्काचं घर बांधणार आणि त्याला ‘बिग बॉस’चं नाव देणार असा निश्चय केला होता.

All We Imagine As Light : ‘ऑल व्ही इमॅजिन ॲज लाइट’ ओटीटीवर सज्ज, पायल कपाडियाने व्यक्त केला आनंद!