120 Bahadur: फौजी बनून एकटा लढणार नाही फरहान अख्तर, सोबत येणार यश? आता होणार खरा धमाका

नोव्हेंबर महिना सुरू होऊन काही दिवस झाला आहे. आणि फरहान अख्तरचा १२० बहादूर हा चित्रपट लवकरच सिनेमागृहात प्रदर्शित होणार आहे. तसेच चित्रपटामध्ये साऊथ स्टार यश देखील झळकणार आहे.

• फौजी बनून एकटा लढणार नाही फरहान अख्तर
• फरहान अख्तरसोबत दिसणार हा अभिनेता?
• आता होणार बॉक्स ऑफिसवर खरा धमाका

२०२५ मध्ये प्रदर्शित झालेले अनेक मोठ्या बजेटचे चित्रपट खूपच निराशाजनक ठरले आहेत. दरम्यान, छोट्या चित्रपटांनी, जे त्यांच्या प्रदर्शनापूर्वी फारशी चर्चा निर्माण करू शकले नाहीत, त्यांनी लक्षणीय प्रभाव पाडला. आता, हे वर्ष दोन महिन्यांनंतर संपणार आहे.आणि आता याचदरम्यान अभिनेता फरहान अख्तरचा नवीन चित्रपट प्रदर्शित होणार आहे. रजनीश रझी घई दिग्दर्शित १२० बहादूर हा चित्रपट चर्चेचा विषय ठरला आहे. ज्याची उत्सुकता चाहत्यांना लागली.

चित्रपटाचा टीझर तीन महिन्यांपूर्वी प्रदर्शित झाला होता, ज्यामध्ये फरहान अख्तर एका सैनिकाच्या भूमिकेत दिसला. चाहत्यांना त्याला पाहून खूप आनंद झाला. त्याच्या दमदार अभिनयाला आधीच २९ दशलक्ष व्ह्यूज मिळाले आहेत. आता, चित्रपटाच्या ट्रेलरची चाहते प्रतीक्षा करत आहेत. जो आज ६ नोव्हेंबर रोजी दुपारी २ वाजता प्रदर्शित होणार आहे. या चित्रपटात फरहान अख्तर एकटा दिसणार नसून, त्याच्यासोबत साऊथ सुपरस्टार यश देखील झळकणार आहे.

घटस्फोटाच्या अफवांदरम्यान, माही विजने दिली चाहत्यांना गुड न्यूज; ९ वर्षांनंतर या शोमधून करणार कमबॅक

यश सध्या त्याच्या ‘टॉक्सिक’ या चित्रपटावर काम करत आहे. गीतू मोहनदासचा हा चित्रपट पुढील वर्षी मार्चमध्ये प्रदर्शित करणार आहेत. केजीएफ २ पासून या चित्रपटाची आतुरतेने वाट पाहत आहे. तसेच अभिनेता रामायण हा चित्रपट देखील पुढील दिवाळीत प्रदर्शित होईल, जिथे यश रावण म्हणून दिसणार आहे. आता १२० बहादूरमध्ये यशची झलक चाहत्यांना पाहायला मिळणार आहे. परंतु, तो या चित्रपटाचा भाग नाही; तो फरहान अख्तरसोबत दुसऱ्याच गोष्टीवर काम करत आहे, ज्याची माहिती आता समोर आलीले नाही आहे.

फरहान अख्तरला यशचा पाठिंबा
अलीकडेच एका न्यूज वेबसाइटने वृत्त दिले आहे की रॉकिंग यश फरहान अख्तरच्या ‘१२० बहादूर’ चित्रपटाचा ट्रेलर लाँच करणार आहे. आता, तो या ट्रेलर लाँचसाठी फरहानसोबत सामील होत आहे. ही बातमी ऐकून चाहते खूप आनंदी झाले. हा चित्रपट खऱ्या आयुष्यातील अशा नायकांची कथा आहे जे त्यांच्या कुटुंबांपासून दूर राहून देशाच्या रक्षणासाठी समर्पित असतात. म्हणूनच, या देशभक्तीपर चित्रपटाच्या ट्रेलर लाँचमध्ये यशचा सहभाग महत्त्वपूर्ण ठरणार आहे. यापूर्वी, दक्षिण आणि बॉलीवूड स्टार्सनी एकमेकांच्या चित्रपटांचे ट्रेलर लाँच करण्यासाठी सहकार्य केले आहे. अलीकडेच, हृतिक रोशनने ‘कांतारा: चॅप्टर १’ चा हिंदी ट्रेलर लाँच केला. आता, यशच्या सहभागाचा चित्रपटाला किती फायदा होईल हे पाहणे उत्सुकतेचे ठरणार आहे.

”खूप भीती वाटते…” दीपिका कक्करची कर्करोगाशी झुंज, पती शोएब इब्राहिमने शेअर केले हेल्थ अपडेट

फरहान अख्तर स्वतः या चित्रपटाची निर्मिती करत आहे, तसेच चित्रपटाचे दिग्दर्शन रजनीश रझी घई करत आहेत. रितेश एक्सेल एंटरटेनमेंट बॅनरशी देखील संबंधित हा चित्रपट आहे. हा चित्रपट १९६२ च्या भारत-चीन युद्धादरम्यान रेझांग लाच्या युद्धाचे चित्रण करतो. हा चित्रपट १३ व्या कुमाऊँ रेजिमेंटच्या १२० सैनिकांच्या शौर्यावर आधारित आहे. मेजर शैतान सिंग भाटी यांच्या नेतृत्वाखाली, भारतीय सैनिकांनी ३,००० हून अधिक चिनी सैनिकांचा धैर्याने सामना केला आणि सर्व कठीण परिस्थितीतही शत्रूचे मोठे नुकसान करत राहिले. हा चित्रपट पाहण्यासाठी चाहते खूप उत्सुक आहेत.