‘पुरुषांनाही मासिक पाळी…’ रश्मिका मंदान्नाचे विधान वादात; स्पष्टीकरण देत म्हणाली…

अभिनेत्री रश्मिका मंदान्ना हिने अलिकडेच एका मुलाखतीत मासिक पाळीवर भाष्य केले होते त्यामुळे तिला आता सोशल मीडियावर ट्रोल केले जात असून यावर तिने स्पष्टीकरण दिले आहे.

अभिनेत्री रश्मिका मंदान्ना हिला अलिकडेच सोशल मीडियावर एका वक्तव्यावरून ट्रोल केले जात आहे. अभिनेत्रींने अलिकडेच एका मुलाखतीत मासिक पाळी आणि पुरुषांबद्दल केलेले एक वक्तव्य व्हायरल होत आहेत. महिलांच्या मासिक पाळीच्या वेदनांवरील तिच्या या वक्तव्यामुळे वाद निर्माण झाला आहे. जगपती बाबूच्या टॉक शोमध्ये सहभागी होताना, अभिनेत्री म्हणाली की, ”पुरुषांनी महिलांच्या मासिक पाळीच्या वेदना स्वतः अनुभवल्या पाहिजेत जेणेकरून त्या समजून घेता येतील. ”रश्मिकाचे हे विधान सोशल मीडियावर लवकरच व्हायरल झाले आणि नेटिझन्सकडून त्यावर संमिश्र प्रतिक्रिया आल्या. काहींनी तिच्या मताचे समर्थन केले, तर काहींनी तिच्यावर पुरुषांबद्दल असंवेदनशील असल्याचा आरोप केला.

वक्तव्य केल्यानंतर, रश्मिकाला सोशल मीडिया वापरकर्त्यांनी ट्रोल केले, ज्यांनी म्हटले की ती पुरुषांबद्दल संवेदनशील आहे. तिच्या चाहत्यांनीही तिची बाजू घेतली आणि म्हटले की रश्मिकाच्या वक्तव्यामागील हेतू चुकीचे नव्हते. कधीकधी आपल्याला शब्दांमागील भावना समजत नाहीत.

शोचे होस्ट जगपती बाबू यांनी रश्मिकाला विचारले की पुरुषांना मासिक पाळीचा अनुभव घ्यावा असे तिला खरोखर वाटते का? यावर अभिनेत्री म्हणाली, “हो, मला वाटते की त्यांनी किमान एकदा तरी मासिक पाळीचा अनुभव घ्यावा जेणेकरून त्यांना वेदना आणि ताण समजेल. हार्मोनल असंतुलनामुळे आपल्याला अशा भावना येतात ज्या आपल्याला समजत नाहीत. तुम्ही पुरुषांवर तो दबाव टाकू शकत नाही, कारण तुम्ही कितीही समजावून सांगितले तरी ते समजणार नाहीत. म्हणून, जर पुरुषांना एकदा मासिक पाळी आली तर त्यांना मासिक पाळीचा त्रास कसा असतो हे समजेल.”

‘निर्धार’चे धमाकेदार युथफूल गाणे प्रदर्शित; ‘वंदे मातरम…’ रसिकांना भुरळ घालणार!
रश्मिका मंदाना हिने तिचा वैयक्तिक अनुभवही सांगितला, “मला मासिक पाळीच्या वेदना इतक्या भयानक असतात की मी एकदा बेशुद्धही पडले . मी अनेक टेस्ट केल्या आहेत आणि डॉक्टरांचा सल्ला घेतला आहे, पण हे का होते हे कोणालाही माहिती नाही. दर महिन्याला मला प्रश्न पडतो, ‘देवा, तू मला इतका त्रास का देत आहेस?’ मला वाटते की जर त्यांना ते अनुभवले तरच ते समजू शकते. म्हणूनच मला वाटते की पुरुषांनी किमान एकदा तरी मासिक पाळीचा अनुभव घेतला पाहिजे.”

मराठी साहित्याची नवी झेप, डॉ. सुरेश सावंत यांच्या ‘आभाळमाया’ला पुरस्कार जाहीर

रश्मिकाला चाहत्यांकडून पाठिंबा
रश्मिकावर टीका होत असताना, एक चाहत्याने म्हटले की, “रश्मिकाचा दृष्टिकोन असा आहे की पुरुषांना मासिक पाळी आली पाहिजे. कधीकधी आपल्याला फक्त आपल्या वेदना आणि भावना समजून घ्यायच्या असतात. हे कधीही पुरुषांच्या जबाबदाऱ्यांची तुलना किंवा कमी करण्याबद्दल नव्हते, परंतु अहंकाराने ते त्या दिशेने वळवले.”

रश्मिकाने केलेल्या वक्तव्यावर आता स्पष्टीकरण दिले असून ती म्हणाली,”याबद्दल कोणीही बोलणार नाही. माझ्यासाठी शो आणि मुलाखतींमध्ये जाण्याची ‘भीती’ आहे. मी एक गोष्ट सांगते आणि त्याचा अर्थ वेगळा लावला जातो.” तिच्या विधानावर अनेकांनी टीका केली