Release Date: अक्षय कुमारचा ‘भूत बंगला’ या दिवशी होणार प्रदर्शित, ‘भुल भुलैय्या’ पेक्षा जास्त खतरनाक हा चित्रपट!

ॲक्शन आणि बायोपिकनंतर अक्षय कुमार पुन्हा एकदा कॉमेडी आणि हॉररच्या जगात प्रवेश करत आहे. अक्षय कुमारचा भूत बंगला चित्रपटाची घोषणा काही महिन्यांपूर्वीच झाली होती. आता या चित्रपटाची रिलीज डेटही समोर आली आहे.

अक्षय कुमार पुन्हा एकदा त्याच्या युगात प्रवेश करणार आहे. एक काळ असा होता जेव्हा अक्षय कुमारने विनोदी चित्रपटांमुळे चित्रपटसृष्टीवर राज्य केले होते. अभिनेत्याचा ‘भूल भुलैया’ हा चित्रपटही क्लासिक कल्टमध्ये गणला जातो. आता तो पुन्हा मोठ्या पडद्यावर परतत असून हॉरर आणि कॉमेडीचा टच जोडणार आहे. त्याच्या आगामी ‘भूत बांगला’ चित्रपटाची रिलीज डेट समोर आली आहे. अक्षय कुमारचा आगामी चित्रपट भूत बंगला या वर्षी सप्टेंबरमध्ये जाहीर करण्यात आला होता. हा चित्रपट कॉमेडी आणि हॉरर प्रकारातील आहे, ज्याचे दिग्दर्शन प्रियदर्शन करत आहे. आणि आता या चित्रपटाची रिलीज डेट समोर अली आहे. अक्षयने प्रियदर्शनसोबत भूल भुलैया आणि गरम मसाला सारखे कॉमेडी चित्रपट केले आहेत. आता तो पुन्हा प्रियदर्शनसोबत काम करताना दिसणार आहे.

अक्षय कुमारने शूटिंग सुरू केले
‘पुष्पा 2’ चित्रपटगृहांमध्ये धुमाकूळ घालत असतानाच आता अक्षय कुमारने त्याच्या आगामी चित्रपटाच्या प्रदर्शनाची तारीख जाहीर केली आहे. 10 डिसेंबर रोजी, सरफिरा अभिनेत्याने त्याच्या इंस्टाग्राम अकाऊंटवर दोन पोस्टर शेअर केले की, ‘तो भूत बंगला चित्रपटाचे शूटिंग सुरू करत आहे.’ असे लिहून त्याने ही पोस्ट शेअर केली आहे. पोस्टरमध्ये अभिनेता मुख्य गेटजवळ हातात कंदील धरलेला दिसत आहे. या चित्रपटाचे पोस्टर पाहून चाहत्यांमध्ये हा चित्रपट पाहण्याची उत्सुकता वाढली आहे.

 

See more

या दिवशी हा चित्रपट होणार रिलीज
हे पोस्टर शेअर करताना अक्षय कुमारने कॅप्शनमध्ये लिहिले आहे की, “आज आम्ही आमच्या हॉरर कॉमेडी भूत बंगला चित्रपटाचे शूटिंग सुरू करत आहोत, त्यामुळे मी माझ्या आवडत्या प्रियदर्शनसोबत सेटवर येण्यासाठी खूप उत्सुक आहे. भीती आणि हास्याचा हा डबल डोस असेल. तुमच्यासाठी 2 एप्रिल 2026 रोजी तयार होईल. तोपर्यंत आम्हाला तुमच्या शुभेच्छांची गरज आहे.’ असे लिहून अभिनेत्याने ही पोस्ट शेअर केली आहे. म्हणजेच या चित्रपटासाठी प्रेक्षकांना दीड वर्ष वाट पाहावी लागणार आहे.

Baby John: ‘बेबी जॉन’मध्येही ॲटलीने बदलला नाही पॅटर्न? SRK सोबत वरुण धवनची होतेय तुलना!

हे स्टारकास्ट करणार धम्माल
काही महिन्यांपूर्वी, तीन दिग्गज स्टार्स भूत बांगलामध्ये दाखल झाल्याची बातमी समोर आली होती, ज्यांनी अक्षय कुमारसोबत भूल भुलैयामध्येही काम केले आहे. हे स्टार्स आहेत परेश रावल, असरानी आणि राजपाल यादव. या चित्रपटात अभिनेत्यासोबत कोणती हिरोईन दिसणार हे अद्याप ठरलेले नाही. बालाजी टेली फिल्म्स आणि केप ऑफ गुड फिल्म्सच्या बॅनरखाली हा चित्रपट तयार होत आहे. हा चित्रपट प्रेक्षकांचं भरपूर मनोरंजन करणार आहे.