बिग बींनी सुरु केले ‘कौन बनेगा करोडपती’ सीझन १७ चे शूटिंग; जाणून घ्या कधी होणार प्रदर्शित

केबीसी चाहत्यांसाठी आनंदाची बातमी समोर आली आहे. मेगास्टार अमिताभ बच्चन लवकरच लोकप्रिय शो "कौन बनेगा करोडपती" घेऊन परत येणार आहेत. या १७ व्या सीझनचे शूटिंग अभिनेत्याने सुरू केले आहे.

• अमिताभ बच्चन यांनी सुरु केले KBC चे शूटिंग
• KBC च्या १७ व्या सीझनमध्ये काय आहे खास?
• कधी सुरु होणार हा नवा सीझन?

ज्येष्ठ अभिनेते अमिताभ बच्चन यांनी ‘कौन बनेगा करोडपती सीझन १७’ च्या प्रतिष्ठित क्विझ शोचे शूटिंग अधिकृतपणे सुरू केले आहे. त्यांनी अलीकडेच शोबद्दल एक अपडेट शेअर केला. यासोबतच निर्मात्यांनी या सीझनबद्दल महत्त्वाची माहिती शेअर केली आहे. ‘कौन बनेगा करोडपती सीझन १७’ हा नवा सीझन पाहण्यासाठी चाहते खूप उत्सुक आहेत. तसेच या सीझनचा पहिला स्पर्धक कोण असेल हे जाणून घेण्यासाठी चाहते उत्सुक आहे. आता शो कधी प्रदर्शित होणार आहे याबद्दल आपण जाणून घेणार आहोत.

Khalid Ka Shivaji: ‘खालिद का शिवाजी’ चित्रपटाच्या सेन्सॉर प्रमाणपत्राची पुनर्तपासणी, महाराष्ट्र सरकारची केंद्राकडे मागणी

या सीझनमध्ये काय खास असेल
पीटीआयच्या वृत्तानुसार, निर्मात्यांनी सांगितले की या नवीन सीझनमध्ये नवीन स्पर्धक, कठीण प्रश्न आणि शोच्या २५ वर्षांच्या पूर्ततेचा आनंद साजरा करण्यासाठी काही खास आश्चर्ये प्रेक्षकांना पाहायला मिळणार आहे. ते म्हणाले, “केबीसी १७ हा नवीन सीझन आणि उत्तम होस्टसह प्रेक्षकांचा आवडता शो बनेल. सुरुवातीच्या एपिसोडमध्ये नवीन घोषणा केल्या जातील.” आता या नवीन सीझनमध्ये नक्की काय खास घडते हे पाहण्यासाठी चाहते उत्सुक आहेत.

शोबद्दल अमिताभ बच्चन यांनी शेअर केली पोस्ट
केबीसी शोला २५ वर्षे पूर्ण झाल्यानिमित्त, सोनी टीव्हीने ‘जहाँ अकल है वहान आकड है’ ही विशेष मोहीम सुरू केली आहे. ही मोहीम बुद्धिमत्ता आणि आत्मविश्वासाचा उत्सव साजरा करते. अलीकडेच अमिताभ बच्चन यांनी केबीसीबद्दल एक खास पोस्ट शेअर केली आहे. बिग बी २००० पासून केबीसीचे होस्ट आहेत (२००३ मधील एका सीझन वगळता). त्यांनी त्यांच्या ब्लॉगमध्ये नवीन सीझनबद्दल उत्साह आणि चिंता व्यक्त केली. त्यांनी लिहिले, “काम सुरू होते… सकाळी लवकर उठणे, केबीसीच्या नवीन सीझनचा पहिला दिवस… नेहमीप्रमाणे घाबरणे, थरथरणारे गुडघे.” त्यांनी असेही म्हटले की स्पर्धक आणि प्रेक्षक शो खास बनवतात.

“छत्रपती शिवरायांची शपथ, आमच्या उद्देशांवर तुम्ही…” ‘खालिद का शिवाजी’ चित्रपटाच्या टीमचे ‘त्या’ वादग्रस्त डायलॉग्सवर स्पष्टीकरण

केबीसी चा नवा सीझन कधी होणार सुरु
“कौन बनेगा करोडपती” सीझन १७ चा प्रीमियर ११ ऑगस्ट रोजी सुरु होणार आहे. हा शो सोमवार ते शुक्रवार रात्री ९ वाजता सोनी एंटरटेनमेंट टेलिव्हिजनवर प्रसारित होणार आहे. यासोबतच, हा शो सोनीलिव्हवर देखील स्ट्रीम केला जाणार आहे, प्रेक्षकांना नक्कीच या नवीन सीझन मधून कधी खास पाहायला आणि शिकायला मिळणार आहे.