रविवार, 8 नोव्हेंबर 2026
फोटो सौजन्य - Social Media
‘बॉर्डर 2’चे शूटिंग आता सुरू झाले आहे. सनी देओल पुन्हा एकदा भारतीय लष्कराचा सैनिक म्हणून परतण्यास सज्ज झाला आहे. 1997 मध्ये रिलीज झालेला बॉर्डर हा चित्रपट त्यावेळी चांगलाच हिट ठरला होता. आता प्रेक्षक त्याच्या सीक्वलची आतुरतेने वाट पाहत आहेत. अखेर ही प्रतीक्षा २९ वर्षांनी संपणार आहे. हा चित्रपट पाहण्यासाठी प्रेक्षक खूप आतुरता आहेत.
या चित्रपटात हे स्टार्स दिसणार आहेत
या चित्रपटाचे दिग्दर्शन अनुराग सिंग हे करत आहेत. या चित्रपटात सनी देओल मुख्य भूमिकेत दिसणार आहे. याशिवाय वरुण धवन, दिलजीत दोसांझ आणि अहान शेट्टी हे नवे कलाकारही या चित्रपटाचा भाग असणार आहेत. आज शूटिंग दरम्यान, चित्रपटाच्या टीमने सेटवरील एक फोटो शेअर केला, ज्यामध्ये एका व्यक्तीच्या हातात क्लॅपबोर्ड पकडलेला दिसत आहे. तसेच प्रेक्षक या चित्रपटामधील स्टारकास्ट पाहण्यासाठी खूप आतुर आहेत.
View this post on Instagram
चित्रपटात अप्रतिम ॲक्शन पाहायला मिळणार आहे
हॉलिवूडचे प्रसिद्ध ॲक्शन कोरिओग्राफर निक पॉवेल, ज्यांनी ‘द बॉर्न आयडेंटिटी’ सारख्या चित्रपटांच्या ॲक्शन दृश्यांचे नृत्यदिग्दर्शन केले आहे, ते बॉर्डर 2 च्या युद्धाच्या ॲक्शन दृश्यांची रचना करणार आहेत. त्यांनी ‘द ममी’ (1999) आणि ‘RRR’ (2022) या भारतीय चित्रपटातही काम केले आहे. या चित्रपटामधील ॲक्शन पाहताना प्रेक्षक नक्कीच चकित होणार आहेत.
सोनाक्षी-जहीरच्या लग्नाला ६ महिने पूर्ण! अभिनेत्रीने खास नवऱ्यासाठी शेअर केली रोमॅंटिक पोस्ट…
बॉर्डर 2 कधी रिलीज होणार?
देशभक्ती आणि धाडसाच्या संदर्भात बनत असलेल्या ‘बॉर्डर 2’ या चित्रपटात प्रेक्षकांना जबरदस्त ॲक्शन, रोमांचक नाटक आणि भावनिक खोली पाहायला मिळणार आहे. या चित्रपटाची निर्मिती भूषण कुमार, कृष्ण कुमार, जेपी दत्ता आणि निधी दत्ता करत आहेत. निर्मात्यांनी त्यांच्या अलीकडील सोशल मीडिया पोस्टद्वारे या चित्रपटाच्या प्रदर्शनाची तारीख देखील पुष्टी केली आहे. हा चित्रपट 2026 मध्ये प्रजासत्ताक दिनानिमित्त प्रदर्शित होणार आहे. जो पाहण्यासाठी प्रेक्षक खूप उत्सुक आहेत.
