रविवार, 8 नोव्हेंबर 2026
Toyota Land Cruiser FJ Diesel Engine Launch Update (फोटो सौजन्य-AI एआय)
फॉर्च्युनरच्या खाली असणार लँड क्रूझर FJ
टोयोटा लँड क्रूझर एफजे ही बॉडी-ऑन-फ्रेम प्लॅटफॉर्मवर तयार करण्यात आलेली C-सेगमेंट रग्ड SUV आहे. ही गाडी टोयोटा फॉर्च्युनरच्या खाली स्थान मिळवणार आहे. मजबूत बांधणी, ऑफ-रोडिंगसाठी उपयुक्त रचना आणि 4WD सिस्टीम ही तिची वैशिष्ट्ये आहेत. अशा SUV मध्ये डिझेल इंजिनला पसंती मिळते, कारण कमी RPM वर चांगले टॉर्क आणि इंधन बचत मिळण्याची अपेक्षा असते.
टोयोटा दक्षिण आफ्रिकेचे अध्यक्ष आणि CEO अँड्र्यू किर्बी यांनी Cars.co.za ला दिलेल्या मुलाखतीत एफजे डिझेल इंजिनसाठी “चांगली शक्यता” असल्याचे सांगितले. पण दक्षिण आफ्रिकेच्या मार्केटमध्ये हा ऑप्शन येण्यासाठी काही वर्षे लागू शकतात. डिझेल इंजिनमुळे गाडीच्या परफॉर्मन्समध्ये मोठा फरक पडू शकतो, असेही त्यांनी सांगितले.
सध्या पेट्रोल इंजिनची कॅपसिटी किती?
जागतिक मार्केटमध्ये टोयोटा लँड क्रूझर एफजे सध्या 2TR-FE 2.7-लिटर नैसर्गिकरीत्या हवा घेणाऱ्या 4-सिलेंडर पेट्रोल इंजिनसह येते. हे इंजिन 5,200 RPM वर 164 hp पॉवर आणि 4,000 RPM वर 245 Nm टॉर्क देते. यासोबत 6-स्पीड ऑटोमॅटिक गिअरबॉक्स आणि पार्ट-टाइम 4WD सिस्टीम मिळते.
दक्षिण आफ्रिका आणि ऑस्ट्रेलियासारख्या मार्केटमध्ये या इंजिनच्या परफॉर्मन्सवर टीका झाली आहे. त्यामुळे डिझेल इंजिनचा ऑप्शन आल्यास ऑफ-रोडिंग आणि कमी वेगातील ड्रायव्हिंगसाठी गाडी जास्त उपयोगी ठरू शकते.
भारतात पेट्रोल, हायब्रिड आणि डिझेल ऑप्शन?
भारतात टोयोटा किर्लोस्कर मोटरकडून लँड क्रूझर एफजे पेट्रोल, पेट्रोल-इलेक्ट्रिक हायब्रिड आणि प्लग-इन हायब्रिड व्हेरिएंटमध्ये आणली जाण्याची चर्चा आहे. या व्हेरिएंटमध्ये सध्याच्या पेट्रोल इंजिनची सुधारित आवृत्ती वापरली जाऊ शकते. जागतिक स्तरावर डिझेल इंजिन दाखल झाल्यास भारतीय मॉडेलमध्येही ते येण्याची शक्यता आहे. पण याबाबत कंपनीकडून ऑफीशली माहिती आलेली नाही.
या SUV ची भारतातील एक्स-शोरूम किंमत जवळपास ₹30 लाखांपासून सुरू होण्याचा अंदाज आहे. महाराष्ट्रातील छत्रपती संभाजीनगर येथे तिचे प्रोडक्शन होण्याची शक्यता असून, 2028 मध्ये भारतीय मार्केटमध्ये लाँच होऊ शकते. डिझेल इंजिनचा ऑप्शन मिळाल्यास टोयोटा लँड क्रूझर एफजे ऑफ-रोडिंग प्रेमींसाठी आणखी इंटरेस्टिंग ठरू शकते.
Ans: टोयोटाच्या दक्षिण आफ्रिकेतील CEO यांनी डिझेल इंजिन येण्याची चांगली शक्यता असल्याचे सांगितले आहे. पण कंपनीने याबाबत ऑफीशली घोषणा केलेली नाही.
Ans: या SUV मध्ये 2TR-FE 2.7-लिटर 4-सिलेंडर पेट्रोल इंजिन मिळते. हे इंजिन 164 hp पॉवर आणि 245 Nm टॉर्क देते.
Ans: टोयोटा लँड क्रूझर एफजे भारतात 2028 मध्ये लाँच होण्याची शक्यता आहे. तिची संभाव्य एक्स-शोरूम किंमत जवळपास ₹30 लाखांपासून सुरू होऊ शकते.
