‘Param Sundari’ ने ‘सैयारा’ आणि ‘कुली’ ला टाकले मागे? जाणून घ्या चित्रपटाची एकूण कमाई?

जान्हवी कपूर आणि सिद्धार्थ मल्होत्राचा 'परम सुंदरी' हा चित्रपट चौथ्या दिवशीही बॉक्स ऑफिसवर फ्लॉप ठरत आहे. हा चित्रपट अजूनही त्याच्या बजेटपासून खूप दूर आहे. तसेच, तो 'सैयारा' आणि 'कुली' चे रेकॉर्ड मोडू शकलेला नाही.

• ‘परम सुंदरी’ चित्रपटाची आतापर्यंतची कमाई?
• बजेटपेक्षा ‘परम सुंदरी’ किती दूर?
• ‘सैयारा’ आणि ‘कुली’ पेक्षा हा चित्रपट किती मागे?

जान्हवी कपूर आणि सिद्धार्थ मल्होत्राचा रोमँटिक-कॉमेडियन चित्रपट ‘परम सुंदरी’ चित्रपटगृहात प्रदर्शित होऊन ४ दिवस झाले आहेत. आठवड्याच्या शेवटी चित्रपटाच्या कमाईत घट होत आहे. चित्रपटाचा कमाईचा आकडा अवघ्या ४ दिवसांतच घसरला आहे. चित्रपट अजूनही त्याच्या बजेटपासून खूप दूर आहे. बॉक्स ऑफिसवरही हा चित्रपट ‘सैयारा’ आणि ‘कुली’ चे रेकॉर्ड तोडण्यात अपयशी ठरत आहे. चला जाणून घेऊया हा चित्रपट त्याच्या बजेटपासून किती दूर आहे?

बिपाशा नंतर आता मृणाल ठाकूरने अनुष्का शर्मावर साधला निशाणा? म्हणाली ‘आता ती काम नाही करत…’

बजेटपेक्षा ‘परम सुंदरी’ किती दूर?
सॅकनिल्कच्या रिपोर्टनुसार, जान्हवी कपूरच्या ‘परम सुंदरी’ या चित्रपटाने चौथ्या दिवशी ३.५० कोटींचा व्यवसाय केला आहे. चित्रपटाला चार दिवसांत फक्त ३०.२५ कोटींची कमाई करता आली आहे. मीडिया रिपोर्टनुसार, ५० कोटींच्या बजेटमध्ये बनलेला जान्हवी आणि सिद्धार्थचा हा चित्रपट सध्या त्याच्या बजेटपेक्षा १९.७५ कोटींनी मागे आहे. तसेच, ज्या पद्धतीने हा चित्रपट कमाई करत आहे, ते पाहता तो लवकरच त्याचे बजेट ओलांडेल असे वाटत आहे.

‘सैयारा’पेक्षा हा चित्रपट किती मागे?
दुसरीकडे, अहान पांडेचा रोमँटिक चित्रपट ‘सैयारा’ ने चार दिवसांत त्याच्या बजेटपेक्षा जास्त कमाई केली होती. चित्रपटाने चार दिवसांत १०७.२५ कोटींचा व्यवसाय केला, तर त्याचे बजेट फक्त ४५-५० कोटी होते. अहान पांडे आणि अनित पद्डा यांचा हा चित्रपट या वर्षीचा सर्वाधिक कमाई करणारा रोमँटिक चित्रपट ठरला आहे. रजनीकांतचा ‘कुली’ प्रदर्शित होऊन १९ दिवस झाले आहेत. या चित्रपटाने चार दिवसांत १९४.५ कोटींचा व्यवसाय केला. या दोन्ही चित्रपटांच्या तुलनेत जान्हवी आणि सिद्धार्थचा चित्रपट अजूनही खूप मागे आहे.

Bigg Boss 19 : फरहानाच्या लज्जास्पद कृत्यामुळे होतेय KRK आणि प्रियंका जग्गाशी तुलना! ‘पीस अ‍ॅक्टिव्हिस्ट’ला दिले नवे नाव

बॉलीवूडला एक नवीन जोडी मिळाली
‘परम सुंदरी’ने बॉलीवूड एक नवीन जोडी दिली आहे. जान्हवी कपूर आणि सिद्धार्थ मल्होत्रा ​​या चित्रपटाद्वारे पहिल्यांदाच पडद्यावर एकत्र दिसले आहेत. चाहत्यांना ही जोडी खूप आवडली आहे. सोशल मीडियावरही लोक क्लिप्स शेअर करत आहेत आणि या जोडीचे कौतुक करत आहेत. जान्हवी आणि सिद्धार्थसोबतच मनजोत सिंग आणि संजय कपूर देखील या चित्रपटात मुख्य भूमिकेत आहेत.