‘मी भारतात कॉन्सर्ट करणार नाही’; दिलजीत दोसांझ ‘या’ वक्तव्यामुळे अडचणीत, स्वत:च दिलं स्पष्टीकरण!

दिलजीत दोसांझने काल एक वक्तव्य केले होते की तो भारतात परफॉर्म करणार नाही. मात्र, आता गायक आपले वक्तव्य मागे घेताना दिसत आहे. या वक्तव्यामुळे अडचणीत दिलजीत अडचणीत आला असून, यावर स्पष्टीकरण दिले आहे.

गायक-अभिनेता दिलजीत दोसांझने अलीकडेच 14 डिसेंबर रोजी त्याच्या चंदीगड शोमध्ये लाइव्ह शोसाठी कमकुवत पायाभूत सुविधांमुळे भारतात मैफिली करणार नसल्याचे सांगून चाहत्यांना आश्चर्यचकित केले आणि अधिका-यांना अधिक चांगल्या सुविधा देण्याची विनंती केली. मात्र, दिलजीतने आता आपले वक्तव्य मागे घेतले आहे. ‘मी भारतात परफॉर्म करणार नाही’ असे कधीच म्हटले नव्हते, असे गायकाने स्पष्ट केले आहे. जाणून घेऊयात संपूर्ण प्रकरण.

गायकाने विधानावरून घेतली माघार
दिलजीत दोसांझ म्हणतो की त्यांची टिप्पणी चंदीगडमधील कार्यक्रमाच्या मुद्द्यांवर होती. स्पष्टीकरण जारी करताना, दिलजीतने आपल्या नवीन पोस्टमध्ये लिहिले, ‘नाही. मी म्हणालो होतो की चंदीगड (CHD) मधील कार्यक्रमाच्या ठिकाणाबाबत समस्या आहे. त्यामुळे जोपर्यंत मला योग्य स्थळ सापडत नाही तोपर्यंत मी चंदीगडमध्ये पुढचा कार्यक्रम आखणार नाही. एवढेच.’ असे म्हणून गायकाने आपल्या वक्तव्यातून माघार घेतली आहे.

 

See more

Na.. Bother Shother ni karda Mai 😁

Eh Vaar vaar Tweets kar ke

Jhoothi gal nu v Sach bana dende aa

Tan counter karna zaruri aa https://t.co/HvuPfhtUup

— DILJIT DOSANJH (@diljitdosanjh) December 16, 2024

चंदीगडमध्ये जाहीर केले
तत्पूर्वी, कॉन्सर्टमध्ये दिलजीत पंजाबीत म्हणाला, ‘आमच्याकडे लाईव्ह शोसाठी योग्य पायाभूत सुविधा नाहीत. हा कमाईचा एक महत्त्वाचा स्रोत आहे आणि बरेच लोक कामासाठी त्यावर अवलंबून असतात. मी पुढच्या वेळी हे सुनिश्चित करण्याचा प्रयत्न करेन आणि ते होईपर्यंत मी भारतात शो करणार नाही, हे निश्चित आहे.’ असे त्याने म्हंटले होते.

‘पंजाब विरुद्ध पनजाब’ वादात गायक अडकला
याशिवाय नुकतेच दिलजीत दोसांझने आपल्या ट्विटमध्ये पंजाबला ‘पनजाब ‘ असे लिहिल्याने त्याला टीकेचा सामना करावा लागला. मात्र, जबरदस्त ट्रोलिंगनंतर गायकाने X वरील आपल्या पुढच्या पोस्टमध्ये लिहिले की, ‘ट्विटमध्ये पंजाबचा उल्लेख करताना तिरंगा इमोजी एकदाही चुकला तर त्याला षड्यंत्र म्हणतात. बेंगळुरूबद्दलच्या ट्विटमध्येही तिरंगा इमोजी दिसत नव्हता. पंजाब पनजाब असे लिहिल्यासही त्याला षड्यंत्र म्हणतात. तुम्ही ‘Punjab’ ऐवजी ‘Panjab असे लिहा. तो नेहमीच पंजाब असेल.’ असे त्याने या पोस्टमध्ये लिहून शेअर केले.

प्राजक्ता माळीची ‘मुंबई-पुणे-मुंबई’ कविता ऐकली का ? पाहा Video

नेटकऱ्यांना अर्थ समजावून सांगितला
दिलजीत म्हणाला, ‘पंज आब- म्हणजे पाच नद्या. परदेशी लोकांच्या भाषेतून इंग्रजी स्पेलिंगबद्दल कट रचणाऱ्यांसाठी – चांगले केले. मी भविष्यात पंजाबी भाषेत लिहायला सुरुवात करेन…पंजाब. आपल्या द्वेष करणाऱ्यांवर टीका करताना दिलजीत म्हणाला, ‘मला माहित आहे की तुम्ही थांबणार नाहीत. चालू ठेवा. आपले भारतावर प्रेम आहे हे आपण किती वेळा सिद्ध केले पाहिजे. काहीतरी नवीन घेऊन या.’ असे लिहून गायकाने नेटकऱ्यांना शांत केले.