(फोटो सौजन्य- इन्स्टाग्राम)
इंडिया टुडेच्या वृत्तानुसार, खलिस्तानी दहशतवादी गुरपतवंत सिंग यांनी ही धमकी दिली असल्याचे समजले आहे. अमिताभ बच्चन यांच्या पायाला स्पर्श केल्याबद्दल निषेधार्थ १ नोव्हेंबर रोजी ऑस्ट्रेलियातील गायकाच्या संगीत कार्यक्रम बंद करण्याची घोषणा केली आहे. या कृत्यामुळे १९८४ च्या शीखविरोधी दंगलींच्या आठवणींचा अनादर होत असल्याचा आरोप या गटाचा आहे.
सतीश शाह यांना मरणोत्तर पद्मश्री देऊन करण्यात येणार सन्मानित ? FWICE चे पंतप्रधान मोदींना आवाहन
दिलजीत दोसांझला मिळाली धमकी
गुरपतवंत सिंग पन्नू यांनी एका निवेदनात म्हटले आहे की, “अमिताभ बच्चन हेच ते आहेत ज्यांच्या शब्दांनी १९८४ च्या हत्याकांडाला चालना दिली.” आता, असे करून, दिलजीत दोसांझने शीख नरसंहारातील प्रत्येक पीडित, अनाथ आणि विधवा यांचा अपमान केला आहे. हे अज्ञान नाही तर फसवणूक आहे. असे त्यांचे म्हणणे आहे.
अमिताभ बच्चन यांच्या पायाला स्पर्श केल्याबद्दल खलिस्तानी संघटनेची धमकी
या निवेदनात त्यांनी पुढे म्हटले आहे की आजही शीख महिलांसोबत जे घडले, मुलांची क्रूर हत्या झाली आणि शीख बांधवांना ज्या पद्धतीने दहन करण्यात आले… त्यांच्या अस्थी अजूनही थंड झालेल्या नाहीत. दरवर्षी १ नोव्हेंबर हा त्यांच्या स्मृतीदिन म्हणून स्मृतिदिन म्हणून साजरा केला जातो. त्या दिवशी कोणीही निषेध किंवा उत्सव साजरा करू शकत नाही. संघटनेने दिलजीत दोसांझच्या संगीत कार्यक्रमावर बहिष्कार टाकण्याची मागणीही केली आहे. या गायकाने स्मृतिदिनाची खिल्ली उडवली आहे असे संघटनेचे म्हणणे आहे. त्यामुळे जगभरातील कलाकार, चाहते आणि गटांनी या संगीत कार्यक्रमात सहभागी होऊ नये. या गटाने रॅलीचेही आवाहन केले आहे.
दिलजीत दोसांझ कौन बनेगा करोडपतीमध्ये दिसणार
कौन बनेगा करोडपती १७ हा कार्यक्रम नेहमीप्रमाणे अमिताभ बच्चन होस्ट करताना दिसले आहेत. शेवटच्या भागात, दिलजीत दोसांझ शोमध्ये दिसला. गायकाने तिथे पोहोचताच त्याने मेगास्टारच्या पायाला स्पर्श केला आणि बिग बी म्हणाले, “पंजाब दे पुत्तर.” यामुळे टाळ्यांचा कडकडाट झाला. दिलजीत दोसांझ ज्या पद्धतीने बिग बींचा आदर करत होता ते पाहून सोशल मीडियावर त्याचे खूप कौतुक होत आहेत. परंतु गायक आता याच कृतीमुळे चर्चेत आला आहे.
.png "Videos"){kind=small}
