(फोटो सौजन्य- इन्स्टाग्राम)
अभिषेक बच्चन सध्या त्याच्या आगामी चित्रपटामुळे चर्चेत आहेच पण त्याने नुकतेच त्याच्या रेड कार्पेटवरील अनुभवाबद्दल सांगितले. त्याने खुलासा केला की, त्याची पत्नी आणि सुपरस्टार ऐश्वर्या राय बच्चनसोबत रेड कार्पेटवर चालणे हा त्याच्यासाठी एक खूप भीतीदायक अनुभव आहे.
अभिषेक बच्चनने लिली सिंहशी झालेल्या चर्चेत पत्नी ऐश्वर्या राय बच्चन बद्दल कौतुक व्यक्त केले. पण त्याचवेळी, त्यांनी सांगितले की रेड कार्पेटवर ऐश्वर्याबरोबर जाण्याची त्यांना भीती वाटते.
अभिनेते म्हणाले, “तुम्ही माझ्या बायकोला कधी रेड कार्पेटवर पाहिलं आहे का? माझ्यासाठी रेड कार्पेटवर जाणं मुळातच कठीण आहे, आणि त्यात जर तिच्यासोबत जावं लागलं, तर ते आणखी दडपण आणणारं असतं. तिथे सर्व लोकांचा दृष्टिकोन असतो, पण मी मात्र एखा ताठ उभा राहतो. हात खिशात ठेवू की काय करू, अशा विचारांनी मला संकोच वाटतो.”
एकदा तो ऐश्वर्यासोबत रेड कार्पेटवर चालत होता, तेव्हा तो इतका अस्वस्थ दिसत होता की फोटोग्राफर्सनी त्याला विचारले, “सर, आमची काय चूक झाली? तुम्ही इतके रागावलेले का दिसत आहात?” आणि तो माफी मागू लागला. अभिषेकने हे देखील कबूल केले की, ऐश्वर्याच्या यशामुळे त्याला कधीकधी असुरक्षित वाटायचे. पण तो म्हणाला की, ही गोष्ट त्याच्यासाठी नवीन नव्हती. “माझ्या आई-वडिलांच्या काळात, माझी आई माझ्या वडिलांपेक्षा मोठी स्टार होती. त्यामुळे हे विचित्र नव्हते. मला कधीच असे शिकवले गेले नाही की मी नेहमीच मुख्य भूमिकेत राहिले पाहिजे,” असे तो म्हणाला.
अभिषेकने खुलासा केला की, त्याच्या आणि ऐश्वर्यामध्ये ‘घरातला पुरुष कोण’ याबद्दल कधीच चर्चा झाली नाही. तो म्हणाला, “आमचं लग्न होण्याआधीपासून आम्ही मित्र होतो. माझ्या कारकिर्दीतील दुसरा चित्रपट ऐश्वर्यासोबत होता आणि ऐश्वर्या ही अशी अभिनेत्री आहे जिच्यासोबत मी सर्वाधिक काम केले आहे.” त्याने स्पष्ट केले की त्यांची मैत्री खूप घट्ट होती आणि लग्नानंतरही तीच भागीदारी आणि समजूतदारपणा कायम राहिला. तो पुढे म्हणाला, “लग्नाआधी आम्ही नात्यात नव्हतो, आम्ही फक्त चांगले मित्र होतो. पण तीच भागीदारी लग्नानंतरही कायम राहिली.”
तो म्हणाला, “मी जेवण बनवेन आणि तू घराची काळजी घेशील, असा विचार मी कधीच केला नव्हता. आमच्यात हे अगदी सहज आणि नैसर्गिक होतं.” अभिषेकने सांगितले की, त्याचे आणि ऐश्वर्याचे नाते नेहमीच मैत्री आणि भागीदारीचे राहिले आहे. तो पुढे म्हणाला, “आमच्या नात्यात कधीही तुलना किंवा स्पर्धा नव्हती. लग्नानंतरही आम्ही नेहमीच एक टीम म्हणून काम केले आहे. रेड कार्पेट असो किंवा घरातील कामे, सर्व काही नैसर्गिकरित्या घडते आणि त्यामुळेच आमचे नाते अधिक घट्ट होते.”
.png "Videos"){kind=small}
