कोण आहे ‘Tanvi The Great’ कथे मागची खरी अभिनेत्री? जिचे अनुपम खेर यांच्यासोबत खास नातं

अनुपम खेर यांचा 'तन्वी द ग्रेट' चर्चेत आहे. हा चित्रपट आज सिनेमागृहात प्रदर्शित झाला आहे. अभिनेत्याला 'तन्वी द ग्रेट' या चित्रपटाची कल्पना कुठून सुचली आणि खरी तन्वी कोण आहे हे आपण आता जाणून घेणार आहोत.

अनुपम खेर दिग्दर्शित ‘तन्वी द ग्रेट’ हा चित्रपट आज थिएटरमध्ये प्रदर्शित झाला आहे. या चित्रपटाची कथा तन्वी नावाच्या एका ऑटिस्टिक मुलीवर आधारित आहे. ती ऑटिझम नावाच्या आजाराशी लढताना सर्व अडथळ्यांवर कशी मात करते आणि तिच्या आयुष्यात असे काहीतरी करते ज्यामुळे ती ‘तन्वी द ग्रेट’ बनते. उभा मुलीची संपूर्ण कथा या चित्रपटामध्ये दाखवण्यात आली आहे. चित्रपटात तन्वीची भूमिका शुभांगी दत्तने साकारली आहे, पण तुम्हाला खरी तन्वी कोण आहे माहित आहे का? हा चित्रपट ज्या तन्वीवर आधारित आहे आपण आता तिच्याबद्दल जाणून घेणार आहोत.

तन्वी ही अनुपम खेर यांची भाची आहे
‘तन्वी द ग्रेट’ हा चित्रपट प्रत्यक्षात अनुपम खेर यांची भाची आणि त्यांची बहीण प्रियांका खेर यांची मोठी मुलगी तन्वी हिच्या जीवनावर आधारित आहे. तन्वी ऑटिस्टिक आहे आणि ती एक चांगली गायिका देखील आहे. अनुपम खेर अनेकदा तन्वीला भेटतात. अनुपम खेर यांना त्यांची भाची तन्वी पाहून ऑटिझमवर चित्रपट बनवण्याची कल्पना सुचली. म्हणूनच त्यांनी चित्रपटाचे नाव तन्वी असे ठेवले.

प्रसिद्ध तामिळ दिग्दर्शक Velu Prabhakaran यांचे निधन, वयाच्या ६८ व्या वर्षी घेतला अखेरचा श्वास

 

See more

तन्वीला संगीत शिक्षिका आणि अभिनेत्री व्हायचे आहे
तन्वी सोशल मीडियावरही सक्रिय असते. तन्वी अनेकदा तिच्या इन्स्टाग्राम अकाउंटवर ‘द ऑटिझम स्टोरी’ नावाचे व्हिडिओ शेअर करते. यातील काही व्हिडिओंमध्ये ती गाताना दिसत आहे. चित्रपटात तन्वीला गातानाही दाखवले आहे. तन्वी खूप प्रतिभावान आहे. तन्वीला संगीत शिक्षिका आणि अभिनेत्री व्हायचे आहे.

अनुपम खेर अनेकदा तन्वीला भेटतात
अनुपम खेर यांचा तन्वीसोबतचा एक व्हिडिओ व्हायरल झाला आहे, ज्यामध्ये अनुपम तन्वीसोबत बसले आहेत. व्हिडिओमध्ये तन्वी अनुपम खेरसाठी एक गाणे गात आहे. हा व्हिडिओ शेअर करताना अनुपम खेर यांनी कॅप्शनमध्ये लिहिले आहे की, ‘तन्वी माझी सर्वात लाडकी भाची आहे. प्रियांका खेरची मोठी मुलगी. ती अत्यंत प्रतिभावान आणि ऑटिस्टिक आहे. ती सहज हसते आणि सहजतेने गाते. तिला संगीत शिक्षिका व्हायचे आहे. कधीकधी अभिनेत्री देखील. देव तिला जगातील सर्व आनंद देवो.’ असे लिहून त्यांनी ही सुंदर पोस्ट शेअर केली आहे.

‘Tanvi The Great’ Review: अनुपम खेर यांचा ‘तन्वी द ग्रेट’ झाला प्रदर्शित, चित्रपट पाहून प्रेक्षक भावुक

तसेच, ‘तन्वी द ग्रेट’ हा चित्रपट आज चित्रपटगृहात प्रदर्शित झाला आहे. हा चित्रपट अनुपम खेर यांनी दिग्दर्शित केला आहे. अनुपम खेर आणि शुभांगी दत्त यांच्याव्यतिरिक्त, बोमन इराणी, करण टकर, पल्लवी जोशी, एस अरविंद यांच्यासह अनेक कलाकार या चित्रपटात दिसले आहेत. या चित्रपटाला प्रेक्षकांचा चांगला प्रतिसाद मिळत आहे. आणि चाहते या चित्रपटाचा रिव्ह्यू सोशल मीडियावर शेअर करत आहेत.