(फोटो सौजन्य - सोशल मीडिया)
प्राईम व्हिडिओच्या बहुप्रतिक्षित वेब सीरिजची वाट पाहत असलेल्या लोकांसाठी एक आनंदाची बातमी आहे. निर्मात्यांनी ‘पाताल लोक सीझन 2’ चा ट्रेलर रिलीज केला आहे. पहिल्या सीझननंतर लोक त्याच्या दुसऱ्या भागाची वाट पाहत होते. पहिल्या सीझनप्रमाणेच यातही एक रोमांचक आणि भीतीदायक कथा पाहायला मिळणार आहे. या मालिकेच्या ट्रेलरने चाहत्यांना चकित करून टाकले आहे. आता चाहत्यांमध्ये या मालिकेचा दुसरा सीजन पाहण्याची उत्सुकता वाढली आहे.
जयदीप अहलावत पुन्हा दिसणार आहे
या क्राईम थ्रिलर मालिकेचे दिग्दर्शन अविनाश अरुण धावरे यांनी केले आहे. क्लीन स्लेट फिल्म्स आणि युनोया फिल्म्स यांनी संयुक्तपणे याची निर्मिती केली आहे. गेल्या सीझनप्रमाणे यावेळीही जयदीप अहलावत ‘हाथी राम चौधरी’च्या भूमिकेत दिसणार आहे. या मालिकेने चाहत्यांचे भरभरून मनोरंजन केले आहे. तसेच या मालिकेच्या दुसऱ्या भागात काय घडणार हे पाहण्यासाठी चाहते उत्सुक आहेत.
या दिवशी वेब सिरीज होणार प्रदर्शित
या मालिकेचे लेखन, निर्मिती आणि कार्यकारी निर्माते सुदीप शर्मा यांनी केले आहे. हा आगामी सीझन १७ जानेवारी रोजी भारतासह 240 हून अधिक देश आणि प्रदेशांमध्ये प्राइम व्हिडिओवर स्ट्रीम करण्यात येणार आहे. प्रेक्षकांना १७ जानेवारीला या मालिकेचा आनंद लुटता येणार आहे. तसेच या मालिकेमध्ये घडणाऱ्या थ्रिलर गोष्टी पाहण्यासाठी चाहते आतुर आहेत.
हे स्टार्सही शोमध्ये आहेत
या सीझनमध्ये जयदीप अहलावत, इश्वाक सिंग आणि गुल पनाग हे जुने मुख्य कलाकार पुनरागमन करत आहेत. तर तिलोत्तमा शोम, नागेश कुकिनूर आणि जाह्नू बरुआ हे नवीन चेहरे महत्त्वाच्या भूमिकेत दिसणार आहेत. हा ट्रेलर नागालँडमधील गुन्हेगारी आणि सत्याच्या छेदनबिंदूशी सामना करत असताना हत्ती राम चौधरीचा सत्याचा रोमांचकारी शोध दर्शवितो. ही मालिके पाहताना चाहते चांगलेच विचारात पडणार आहेत.
अशी असेल मालिकेची कथा
ही कथा हाथी राम आणि त्याचा साथीदार इम्रान अन्सारी यांच्याभोवती फिरते, जे एका स्थलांतरित कामगाराच्या बेपत्ता होण्यामागील रहस्य उलगडण्याचा प्रयत्न करत आहेत. ट्रेलरनुसार, यावेळी हाथी रामला केवळ बाह्य षड्यंत्रांशीच मुकाबला करायचा नाही तर त्याच्या आतल्या राक्षसाचाही सामना करायचा आहे. ही मालिका पाहताना चाहते विचारात पडणार आहेत. मालिकेच्या ट्रेलरला चाहत्यांचा चांगलाच प्रतिसाद मिळत आहे.
.png "Videos"){kind=small}
