‘तुमच्या अभिनयाने अनेक पिढ्यांना केले मोहीत..,’ पंतप्रधान मोदींनी रजनीकांत यांना दिल्या शुभेच्छा; केले तोंडभरून कौतुक

सुपरस्टार रजनीकांत यांचा आज १२ डिसेंबर रोजी ७५ वा वाढदिवस साजरा करत आहेत. या खास प्रसंगी पंतप्रधान नरेंद्र मोदी यांनीही त्यांना एक खास संदेश पाठवून वाढदिवसाच्या शुभेच्छा दिल्या आहेत.

• पंतप्रधान मोदींनी रजनीकांत यांना दिल्या शुभेच्छा
• अभिनेत्याचे मोदींनी केले तोंडभरून कौतुक
• ५० वर्षांच्या कारकिर्दीलाही सलाम

भारतीय चित्रपटसृष्टीतील आघाडीचे सुपरस्टार रजनीकांत आज त्यांचा ७५ वा वाढदिवस साजरा करत आहेत. राजकारण्यांपासून ते चाहत्यांपर्यंत, प्रत्येकजण सोशल मीडियावर त्यांच्या आवडत्या ॲक्शन अभिनेत्याला वाढदिवसाच्या शुभेच्छा देत आहे. पंतप्रधान नरेंद्र मोदींनीही सुपरस्टारला वाढदिवसाच्या शुभेच्छा दिल्या आणि त्यांना दीर्घ आणि निरोगी आयुष्यासाठी देखील त्यांना शुभेच्छा दिल्या. तसेच सोशल मीडियावर फोटो देखील पंतप्रधान मोदींनी शेअर केले आहेत. ज्याला चाहते भरभरून प्रतिसाद देत आहेत.

पंतप्रधान मोदींनी लिहिली खास नोट

पंतप्रधान नरेंद्र मोदी यांनी सोशल मीडिया प्लॅटफॉर्म X वर अभिनेत्याला शुभेच्छा देताना लिहिले की, “थिरू रजनीकांत जी यांच्या ७५ व्या वाढदिवसाच्या खास प्रसंगी त्यांना शुभेच्छा. त्यांच्या अभिनयाने अनेक पिढ्यांना मोहीत केले आहे आणि त्यांना प्रचंड प्रशंसा मिळवून दिली आहे.” पंतप्रधान मोदींनी पुढे लिहिले की, “त्यांच्या कामात विविध भूमिका आणि शैलींचा समावेश आहे. त्यांनी सातत्याने नवीन बेंचमार्क स्थापित केले आहेत. चित्रपटसृष्टीत त्यांनी ५० वर्षे पूर्ण केली असल्याने हे वर्ष खास राहिले आहे. आम्ही त्यांच्या दीर्घ आणि निरोगी आयुष्यासाठी प्रार्थना करतो.” असे लिहून त्यांनी ही पोस्ट शेअर केली आहे.

‘मी चित्रपटसृष्टीतून बाहेर पडेन… पण, मी स्वतःला बदलणार नाही’, असं ‘का’ म्हणाला होता ‘धुरंधर’ अभिनेता अक्षय खन्ना?

५० वर्षांच्या कारकिर्दीलाही सलाम

सुपरस्टार रजनीकांत यांनीही या वर्षी त्यांच्या कारकिर्दीची ५० वर्षे पूर्ण केली आहेत. ५६ व्या आंतरराष्ट्रीय चित्रपट महोत्सवात या अभिनेत्याचा सन्मान करण्यात आला आणि त्यांना जीवनगौरव पुरस्काराने सन्मानित करण्यात आले. यावेळी अभिनेता भावुक झाला आणि म्हणाला, “जर मला १०० वेळा जन्म घेण्याची संधी मिळाली तर तुम्ही सर्वांनी मला दिलेल्या प्रेम आणि आदरामुळे मी अभिनेता म्हणून जन्माला येऊ इच्छितो. मी पाच दशकांपासून भारतीय चित्रपटसृष्टीत सतत काम करत आहे, परंतु असे वाटते की काही वर्षेच झाली आहेत.”

 

See more

Greetings to Thiru Rajinikanth Ji on the special occasion of his 75th birthday. His performances have captivated generations and have earned extensive admiration. His body of work spans diverse roles and genres, consistently setting benchmarks. This year has been notable because… — Narendra Modi (@narendramodi) December 12, 2025

अभिनेत्याच्या चित्रपटाची फी

रजनीकांत चित्रपटसृष्टीवर राज्य करणारा एकमेव अभिनेता आहे आणि त्यांचे चित्रपट ८०० ते १००० कोटी रुपयांपर्यंत कमाई करतात. मीडिया रिपोर्ट्सनुसार, अभिनेता एका चित्रपटासाठी २०० कोटी रुपयांचे मोठे शुल्क आकारतो. एकेकाळी बस कंडक्टर म्हणून काम करून कुटुंबाचे पालनपोषण करणारे रजनीकांत आता एक आलिशान बंगला, कार आणि मोठ्या संपत्तीचे मालक आहेत. त्यांची संपूर्ण कारकीर्द ही प्रेरणादायी आहे.

Street Fighter Teaser: ‘स्ट्रीट फाइटर’ चित्रपटाचा टीझर आउट, Vidyut Jammwalचा जबरदस्त लुक होतोय व्हायरल

खलनायक म्हणून चित्रपटांमध्ये केला प्रवेश

रजनीकांत यांनी त्यांच्या कारकिर्दीची सुरुवात खलनायक म्हणून केली होती हे फार कमी लोकांना माहिती आहे, परंतु त्यांच्या अभिनय आणि शैलीमुळे त्यांना अखेर एक प्रमुख अभिनेता बनवले. १९७५ च्या तमिळ चित्रपट “अपूर्व रागंगल” मध्ये त्यांनी नकारात्मक भूमिका साकारल्या, जरी त्या छोट्या असल्या तरी. परंतु, नंतर त्यांनी १९७७ च्या “आदू पुली अट्टम” आणि १९७० ते १९८० च्या दशकातील इतर अनेक चित्रपटांमध्ये खलनायकाची भूमिका साकारली. यानंतर त्यांनी अनेक चित्रपट केले आणि चाहत्यांचे मन जिंकले.