(फोटो सौजन्य- इन्स्टाग्राम)
रणवीर सिंगचा “धुरंधर” हा चित्रपट थिएटरमध्ये अभूतपूर्व कामगिरी करताना दिसत आहे. सोशल मीडियावर या चित्रपटाची चर्चा सतत सुरु आहे. हा चित्रपट बॉक्स ऑफिसवर धुमाकूळ घालत असताना, अक्षय खन्नाने साकारलेल्या रहमान डकैतच्या भूमिकेचे सर्वजण प्रशंसा करताना दिसत आहेत. अभिनेत्याचा जबरदस्त अभिनय आणि व्हायरल झालेला FA9LA सीन प्रेक्षकांना रीलमध्ये पाहायला मिळत आहे. या सगळ्यामध्ये, अक्षयची एक जुनी मुलाखत देखील सोशल मीडियावर चर्चेचा विषय बनली आहे. या मुलाखतीत तो त्याच्या कारकिर्दीबद्दल बोलताना दिसला आहे. अभिनेता नक्की काय म्हणाला जाणून घेऊयात.
View this post on Instagram
मी स्वतःला बदलू शकत नाही- अक्षय खन्ना
अक्षय खन्ना अनुराधा प्रसादशी यांच्या मुखातील बोलताना म्हणाला होता की, “जर तू मला म्हणालीस, ‘हे बघ अक्षय, जर तू स्वतःला बदलले नाहीस, तर तुला प्रत्येक पार्टी, मुलाखत आणि वादातून बाहेर पडावे लागेल. अन्यथा, तू चित्रपटसृष्टीतून बाहेर पडशील,’ तर यावर माझं उत्तर असे, ‘मग मी बाहेर पडू इच्छितो.’ मला ते आवडेल कारण मी स्वतःला बदलू शकत नाही. मी जो आहे तोच राहीन.” अक्षय खन्नाची ही जुनी मुलाखत सोशल मीडियावर मोठ्या प्रमाणात पसंत केली जात आहे. असेच चाहते आता अक्षय खन्नाच्या अभिनयाची वाहवाह करत आहेत.
“धुरंधर” च्या यशाने अभिनेत्याचे नाशिक बदलले
“धुरंधर” च्या यशादरम्यान, अक्षय खन्नाला आणखी एक चित्रपट मिळाला आहे. तो प्रशांत वर्मा यांच्या सुपरहिरो चित्रपट “महाकाली” मध्ये “असुरगुरु शुक्राचार्य” म्हणून दिसणार आहे. चित्रपटातील अक्षयचा पहिला लूक समोर आला आहे. तो खूपच सुंदर दिसत अनोख्या लुकमध्ये दिसत आहे. पोस्टरमध्ये, अक्षय एका दगडी किल्ल्यासमोर उभा आहे. त्याने एक लांब काळा झगा देखील घातला आहे आणि त्याचा एक डोळा चांदीसारखा चमकताना दिसला आहे, ज्यामुळे त्याचा लूक आणखी गडद आणि शक्तिशाली बनला आहे. या चित्रपटाव्यतिरिक्त, अक्षय खन्नाकडे “धुरंधर २” आणि “दृश्यम ३” हे चित्रपट देखील आहे. जे लवकरच प्रदर्शित होणार आहेत.
