(फोटो सौजन्य - x अकाउंट)
चित्रपट निर्माता, अभिनेता आणि नृत्यदिग्दर्शक प्रभु देवा त्यांच्या नृत्यासाठी प्रसिद्ध आहेत. त्याच्या डान्स स्टेप्सचे चाहते जगभरात आहेत. अलीकडेच प्रभु देवा यांनी त्यांचा मुलगा ऋषी राघवेंद्र देवा याची ओळख एका जबरदस्त डान्स व्हिडिओद्वारे करून दिली. आता हा व्हिडिओ चर्चेत आहे. चाहते या व्हिडीओवर भरभरून प्रतिसाद देत आहेत.
‘सिकंदर’च्या रिलीजपूर्वी निर्मात्यांनी केला मास्टर प्लॅन, चित्रपटाचे सुरु झाले अ‍ॅडव्हान्स बुकिंग?
व्हिडिओमध्ये दिसणारी वडील-मुलाची जोडी
प्रभु देवाने मंगळवारी त्यांच्या अधिकृत इंस्टाग्राम अकाउंटवर एक व्हिडिओ शेअर केला आहे, ज्यामध्ये वडील-मुलगा एकत्र परफॉर्म करताना दिसत आहेत. व्हिडिओमध्ये प्रभु देवा आणि त्यांचा मुलगा स्टेजवर नाचताना दिसत आहेत. चाहते त्याला प्रोत्साहन देत आहेत. “माझा मुलगा ऋषी रागवेंद्र देवा पहिल्यांदाच प्रकाशझोतात येत आहे, याचा मला अभिमान आहे! हे फक्त नृत्यापेक्षा जास्त आहे – हा एक वारसा, एक आवड आणि नुकताच सुरू झालेला प्रवास आहे,” असे प्रभु देवाने पोस्टला कॅप्शन दिले.
चाहत्यांनी दिल्या प्रतिक्रिया
प्रभु देवाने हा व्हिडिओ सोशल मीडियावर पोस्ट करताच, त्यांच्या चाहत्यांनी कमेंट सेक्शनमध्ये धाव घेतली आणि या व्हिडीओला प्रतिक्रिया देण्यास सुरुवात केली. अनेक वापरकर्त्यांनी कमेंट सेक्शनमध्ये लिहिले, “जसा बाप, तसा मुलगा.” त्याचप्रमाणे, अनेक कौतुकास्पद कमेंट्स पाहायला मिळाल्या. आणि डान्सरच्या मुलाचे कौतुक होत आहे.
समीर चौघुले आणि सई ताम्हणकरची हटके जोडी पहिल्यांदाच येणार एकत्र
प्रभु देवाची कारकीर्द
प्रभु देवा हे एक प्रसिद्ध नृत्यदिग्दर्शक, दिग्दर्शक आणि अभिनेता आहेत. प्रभु देवाचे चाहते त्यांना भारताचा मायकल जॅक्सन देखील म्हणतात. त्यांनी अनेक हिट गाण्यांचे नृत्यदिग्दर्शन केले आहे आणि सर्वोत्कृष्ट नृत्यदिग्दर्शनासाठी दोन राष्ट्रीय पुरस्कार देखील जिंकले आहेत. नृत्याव्यतिरिक्त, प्रभु देवाने अनेक चित्रपटांचे दिग्दर्शनही केले आहे. अलिकडेच तो हिमेश रेशमियाच्या ‘बॅड अ‍ॅस रवी कुमार’ या चित्रपटात दिसला.
.png "Videos"){kind=small}
