Prakash Raj यांच्या आईच्या अंत्यसंस्कार पद्धतीवर नेटकऱ्याने उपस्थित केले प्रश्न; अभिनेत्याचे प्रत्युत्तर चर्चेत

२९ मार्च रोजी निधन झालेल्या आपल्या आईच्या अंत्यविधीच्या पद्धतीवर प्रश्न विचारणाऱ्या एका युझरला प्रकाश राज यांनी सडेतोड उत्तर दिले. त्यांचे हे उत्तर आता सोशल मीडियावर व्हायरल होत आहे.

• Prakash Raj यांच्यावर सोशल मीडियावर टीका
• अंत्यसंस्कार पद्धतीवर नेटकऱ्याचे प्रश्न
• अभिनेत्याने नेटकाऱ्याला दिले प्रत्युत्तर

 

अभिनेता प्रकाश राज यांच्यावर सोशल मीडियावर मोठ्या प्रमाणात टीका केली जात असून, त्यांनी यावर आपले सडेतोड उत्तर दिले आहे. त्यांच्या आई स्वर्णलता यांचे २९ मार्च रोजी वयाच्या ८६ व्या वर्षी निधन झाले. त्यानंतर ३१ मार्च रोजी बेंगळुरूमध्ये ख्रिश्चन परंपरेनुसार त्यांच्यावर अंत्यसंस्कार करण्यात आले. चर्चमध्ये झालेल्या या अंत्यसंस्काराचे काही फोटो सोशल मीडियावर व्हायरल होताना आता दिसत आहेत, ज्यात प्रकाश राज आपल्या आईला अंतिम निरोप देताना दिसले.

पुन्हा बदलली Bhooth Bangla ची रिलीज डेट; अक्षय कुमारच्या चित्रपटाने वापरली ‘धुरंधर 2’ची स्ट्रॅटेजी

या पार्श्वभूमीवर काही नेटकऱ्यांनी त्यांना ट्रोल करण्यास सुरुवात केली. काहींनी त्यांचा जुना व्हिडिओ शेअर करत त्यांनी स्वतःला नास्तिक म्हटल्याचा उल्लेख केला आणि प्रश्न उपस्थित केला की, मग त्यांनी आईचा अंत्यसंस्कार ख्रिश्चन पद्धतीने का केला? एका यूजरने लिहिले की, “प्रकाश राज स्वतःला नास्तिक म्हणतात आणि देवावर विश्वास नसल्याचे सांगतात, तरीही त्यांनी आईचा अंत्यसंस्कार ख्रिश्चन परंपरेनुसार का केला आहे.”

 

See more

Yes. I don’t believe in god .. but my mother believed in her god . Who am i to deny her .. the right to be buried according to her belief. This is the basic respect we give one another. Will you Hate mongering monsters understand this #justasking https://t.co/vD1GhySf3M — Prakash Raj (@prakashraaj) April 2, 2026

यावर उत्तर देताना प्रकाश राज यांनी एक्स (ट्विटर)वर स्पष्ट शब्दांत प्रतिक्रिया दिली. त्यांनी लिहिले, “हो, मी देवावर विश्वास ठेवत नाही… पण माझी आई त्यांच्या देवावर विश्वास ठेवत होती. त्यांना त्यांच्या श्रद्धेनुसार अंत्यसंस्कार करण्याच्या अधिकारापासून वंचित ठेवणारा मी कोण? एकमेकांच्या श्रद्धेचा आदर करणं ही आपली मूलभूत जबाबदारी आहे. हे द्वेष पसरवणारे लोक हे समजून घेतील का?” असे म्हणून अभिनेत्याने नेटकाऱ्याला उत्तर दिले आहे.

‘आखरी सवाल’ची दमदार झलक; Sanjay Dutt मुख्य भूमिकेत, इतिहासावर थेट प्रश्न उपस्थित करणारी कथा

अभिनेत्याच्या वर्कफ्रंटबाबत बोलायचे झाले तर प्रकाश राज सध्या चित्रपटसृष्टीत सक्रिय आहेत. ते अलीकडेच ‘देवरा: पार्ट 1’ आणि ‘दे कॉल हिम ओजी’ या चित्रपटांमध्ये दिसले होते. त्यांची शेवटची फिल्म ‘सीता पयानम’ होती आणि ते लवकरच ‘वाराणसी’ या आगामी चित्रपटातही ते दिसणार असल्याचे समजले आहेत. या चित्रपटामध्ये महेश बाबू आणि प्रियांका चोप्रा देखील मुख्य भूमिकेत दिसणार आहे.